എന്റെ ചിന്തകൾ

Friday, January 21, 2011

നിയമങ്ങളൊന്നും ബാധകമല്ലാത്തവയ്ക്കായി...

കഴിഞ്ഞ രണ്ട്‌ ദിവസമായി ഞാൻ കണ്ട ദൃശ്യങ്ങളാണ്‌ ഇതെഴുതാൻ എന്നെ പ്രേരിപ്പിച്ചത്‌. ഒന്നോ രണ്ടോ ഫോട്ടോ കൂടി കൊടുത്താൽ ഇതൊന്ന് പൊലിപ്പിയ്ക്കാം എന്ന് അറിയാഞ്ഞിട്ടല്ല, പക്ഷെ ആ സമയത്തെ എന്റെ മാനസികാവസ്ഥ ഒരു ചിത്രമെടുക്കാൻ എന്നെ അനുവദിച്ചില്ല. കൂടാതെ മരണമടക്കം എന്തിനേയും മൊബൈൽ ക്യാമറയിലേയ്ക്ക്‌ പതിപ്പിയ്ക്കാനുള്ള മലയാളിയുടെ "ഔചിത്യം" ഇതുവരെ സ്വായത്തമാക്കിയിട്ടില്ലാത്തതിനാൽ ക്ഷമിക്കൂ..


സാധാരണഗതിയിൽ ഒരു വ്യക്തി പ്രായപൂർത്തിയായിട്ടില്ലാത്ത ഒരാളുടെ ദേഹത്ത്‌ സാമാന്യം മോശമല്ലാത്ത ഒരു പരിക്കേൽപ്പിച്ചു എന്നിരിയ്ക്കട്ടെ. എന്തായിരിക്കും അയൽവാസികളുടെ പ്രതികരണം? നിയമത്തിന്റെ മുന്നിലേയ്ക്ക്‌ ഈ കേസ്‌ എത്തിയാൽ എന്തായിരിക്കും നിയമനടപടി? ഏറെ വിഷമിയ്ക്കാതെ തന്നെ നമുക്ക്‌ ഉത്തരം കിട്ടും, അയാൾ ശിക്ഷിക്കപ്പെടും.

പക്ഷെ, ഇത്‌ ബാധകമല്ലാത്ത കേസുകളുമുണ്ട്‌. നമ്മുടെ ന്യായപീഠം നടപടിയെടുക്കാൻ മടിയ്ക്കുന്ന, അല്ലെങ്കിൽ മാർഗ്ഗനിർദ്ദേശങ്ങളുണ്ടെങ്കിലും ആരും വകവെയ്ക്കാത്ത ചില പ്രത്യേക അവസരങ്ങൾ, fully insulated from law!!


ഇന്നലെ (വ്യാഴാഴ്ച, ജനുവരി 20 2011) തൈപ്പൂയം, കുഞ്ഞന്‌ ഒരു ദിവസം ക്ലാസില്ല.

ബുധനാഴ്ച (മിനിയാന്ന്) രാവിലെ ഓഫീസിലേയ്ക്ക്‌ പോകുമ്പോഴാണ്‌ ആദ്യദൃശ്യം കണ്ടത്‌. നേരിട്ട്‌ കാണുന്നത്‌ ആദ്യമായാണ്‌, ഫോട്ടൊ പോലും എനിയ്ക്കെന്നും ഏറെ അമർഷമുണ്ടാക്കുന്ന ഒന്നാണ്‌.

ഒരു പെട്ടിഓട്ടോറിക്ഷവണ്ടിയിൽ മുന്നിൽ നിന്നും പിന്നിലേയ്ക്കായി രണ്ടുമൂന്ന് മുളന്തടികൾ കെട്ടിയിട്ടുണ്ട്‌. ഓരോന്നിലും ഓരോരുത്തർ വീതം തൂങ്ങിക്കിടക്കുന്നു. മുതുകത്തും കാലിലുമായി ചില കൊളുത്തുകൾ ശരീരത്തിലേയ്ക്ക്‌ തറച്ചുകയറ്റിയാണ്‌ അവരെ തൂക്കിയിട്ടിരിക്കുന്നത്‌. ഇത്‌, എന്നെപ്പോലൊരാൾക്ക്‌, ഒരിക്കലേ നോക്കാനാവൂ, ഭക്തി തലയ്ക്ക്‌ കയറിയവരുടെ കാര്യം എനിയ്ക്കറിയില്ല.

ഇന്നലെ രാവിലെ കണ്ടത്‌ അതിലും വിശേഷമായ കാഴ്ചയാണ്‌.

ശ്രീകാര്യം ജങ്ങ്ഷൻ മുതൽ നീണ്ടൊരു ജാഥ മട്ട്‌ നീങ്ങുന്ന ജനം. അത്യാവശ്യം മ്യൂസിക്‌ ഒക്കെയുണ്ട്‌. വാഹനങ്ങൾ അൽപം പതുക്കെയാണ്‌ നീങ്ങുന്നത്‌. ട്രാഫിക്‌ നിയന്ത്രണത്തിനായി പോലീസ്‌ ഉണ്ട്‌, ഒരു വഴിയ്ക്ക്‌ മാത്രമേ വണ്ടികൾ നീങ്ങുന്നുള്ളൂ.

പതുക്കെയാണെങ്കിലും വാഹനങ്ങൾ പോകുന്നതിനാൽ കാഴ്ച ഏതാണ്ടൊക്കെ നന്നായിത്തന്നെ കാണാം.

ജാഥയിൽ പലരുടേയും കവിളുകൾ തുളച്ച്‌ ശൂലമിട്ടിട്ടുണ്ട്‌. ചില ശൂലങ്ങൾ ചെറുതാണ്‌, ഏതാണ്ട്‌ ഒരു ചെറിയ സ്കെയിലിന്റെ നീളം വരും. ചിലത്‌ സാമാന്യം നീളമുള്ളതാണ്‌. ഇരുഭാഗത്തും നിലം മുട്ടുന്നില്ല എന്നേയുള്ളു. ഒരു രണ്ട്‌ മീറ്ററോളം (അതോ അതിലധികമോ) വരും ചില "ശൂലങ്ങൾ". (ഇതിനൊക്കെ ശൂലം എന്ന് പറയാമോ ആവോ).

ഇതിലെ ഏറ്റവും വിശേഷപ്പെട്ട കാര്യം ഇതുവരെ പറഞ്ഞില്ല.

നൂറുപേരെങ്കിലും കാണുമായിരിക്കും ഇത്തരത്തിൽ കവിളിൽ ശൂലമുള്ളവർ (ദേഹത്തും തുളച്ചിരിക്കുന്ന ചില ആളുകളേയും കണ്ടു ഇതിനിടയിൽ). ചിലരൊക്കെ മറ്റുള്ളവരുടെ താങ്ങിലാണ്‌ നടക്കുന്നതുതന്നെ, താങ്ങുന്നയാളുടെ ബന്ധുവായതിനാലാണോ അതോ സത്യത്തിൽ ഏറെ ക്ഷീണിതനായതിനാലാണോ എന്നറിയില്ല. ഉന്മാദത്തോടെ ആടുന്ന ചിലരും ഉണ്ട്‌ കൂട്ടത്തിൽ, അവരെ ശ്രദ്ധിക്കാനായി ഒന്നിലധികം ആൾക്കാരുണ്ട്‌.

ഞാൻ കണ്ട ആൾക്കാരിൽ അധികവും പ്രായപൂർത്തിയാകാത്തവാരാണെന്ന് ഒറ്റനോട്ടത്തിൽ തന്നെ മനസിലാക്കാവുന്നവരാണ്‌. മീശ പോലും മുളയ്ക്കാത്തവരാണ്‌ ഭൂരിപക്ഷം. ഒരു 15-20 റേഞ്ചിൽ പെടും. അതിലും കഷ്ടം പത്തുവയസുപോലും തികയാത്ത കുട്ടികളും ഇതിനിടയിൽ ഉണ്ട്‌ എന്നതാണ്‌.

നൂറുപേർ ഇത്തരത്തിൽ തുളച്ചിട്ടുണ്ടെങ്കിൽ എഴുപതോളം (അതിലധികവും ഉണ്ടായിരിക്കാം, ഞാൻ കണ്ടത്‌ ഈ ജാഥയുടെ അവസാനഭാഗം മാത്രമാണ്‌) പേർ മൈനറുകളാണ്‌, പകുതിയോളം തീരെ കുട്ടികളും.

ഈ വൈകൃതം ആർക്ക്‌ വേണ്ടിയാണ്‌?


ദൈവത്തിനുവേണ്ടിയല്ല, നിശ്ചയം, ഒരു എട്ടുവയസുകാരന്റെ കവിളിൽ മുറിവേറ്റാൽ സന്തോഷിക്കുന്നവനാവാനിടയില്ല മുരുകൻ.

മനുഷ്യനന്മയ്ക്ക്‌ വേണ്ടിയോ? നൂറുപേർ ചോരയൊലിപ്പിച്ചാൽ മനുഷ്യനെന്ത്‌ ഗുണം?

സ്വയം വല്ല ഗുണവുമുണ്ടോ? അതിന്‌ നല്ല ദൈവവിശ്വാസവുമായി ജീവിച്ചാൽ പോരെ, എന്തിന്‌ സ്വയം കുത്തിക്കീറണം? എന്തിന്‌ സ്വന്തം മകന്റെ കവിൾ കുത്തിമുറിയ്ക്കണം? പീഡിപ്പിച്ചുവേണോ പുണ്യം? മുറിവേൽപ്പിച്ചുവേണോ ദൈവപ്രസാദം?


സ്വന്തം മകൻ അല്ലെങ്കിൽ മകൾ ചോരയൊലിപ്പിച്ചോ മറ്റേതെങ്കിലും വിധത്തിൽ ബുദ്ധിമുട്ടിയോ കണ്ടിട്ടും മാതാപിതാക്കൾ പരിഭ്രമിച്ചുകാണാത്ത അവസരങ്ങൾ മിക്കവാറും (എല്ലാമെന്നുതന്നെ പറയാം) ദൈവവിശ്വാസവുമായി ബന്ധപ്പെട്ടതായിരിക്കും.


ഇനി വീണ്ടും എന്റെ ആദ്യപരാമർശത്തിലേയ്ക്ക്‌ വരട്ടെ.


പ്രായപൂർത്തിയാകാത്ത ഒരാളുടെ അനുവാദത്തോടെയാണെങ്കിലും പീഡിപ്പിക്കപ്പെട്ടാൽ അത്‌ forceful abuse ആയാണ്‌ നിയമം കണക്കാക്കാറ്‌. പ്രായപൂർത്തിയാകാത്ത ഒരു കുട്ടിയുമായി ലൈംഗികബന്ധം പുലർത്തിയാൽ, ഏത്‌ സാഹചര്യത്തിലായാലും, അത്‌ ബലാൽസംഗമായാണ്‌ നിയമം വിലയിരുത്തുന്നത്‌. എന്നുവെച്ചാൽ ഇത്തരം കാര്യങ്ങളിൽ victim's consent പരിഗണിക്കാറില്ലെന്നർത്ഥം.

കാര്യങ്ങൾ ഇങ്ങിനെയായിരിക്കെ ഒരു കുട്ടിയുടെ കവിൾ കുത്തി മുറിവേൽപ്പിച്ചാൽ നിയമദൃഷ്ട്യാ അത്‌ ശിക്ഷാർഹമാണ്‌.

ഇന്നലെ നടന്ന സംഭവത്തിൽ നിയമം എന്തുചെയ്തു? പോലീസുകാർ നിന്ന് ജാഥയ്ക്ക്‌ പോകാനുള്ള വഴിയൊരുക്കിക്കൊടുത്തു.




ഇത്തരത്തിൽ ഒരു legal immunity ഉള്ള ഒരേയൊരു സാധനമാണ്‌ വിശ്വാസം. ആചാരങ്ങൾ എന്ന പേരിൽ എന്ത്‌ വൃത്തികേടും ന്യായീകരിക്കാനുള്ള ഒരു സാധനമാണ്‌ വിശ്വാസം. ജല്ലിക്കെട്ട്‌ പോലുള്ള പ്രാകൃതാഘോഷങ്ങൾ നിരോധിയ്ക്കാനുള്ള ശ്രമങ്ങളെ തുടക്കത്തിൽ തന്നെ നുള്ളിക്കളയാൻ ഇത്തരം വിശ്വാസിക്കൂട്ടങ്ങൾക്ക്‌ സാധിച്ചിട്ടുണ്ട്‌. വിശ്വാസം, ആചാരം, സംസ്കാരം തുടങ്ങിയ പദങ്ങൾ മനുഷ്യനന്മയ്ക്ക്‌ യാതൊന്നും നൽകാത്ത ഇത്തരം കൃത്യങ്ങൾക്ക്‌ വരെ ഉപയോഗിയ്ക്കാൻ ഇവർക്ക്‌ യാതൊരു മടിയുമില്ല. അദൃശ്യമായൊരു വിശ്വാസലോബി ഇത്തരം കാര്യങ്ങളിൽ പ്രവർത്തിക്കുന്നുണ്ട്‌, അതിനെ മറികടന്ന് പ്രവർത്തിക്കാൻ കോടതികൾക്കുപോലും സാധിയ്ക്കില്ല. It is immutable, and that is it.

ഇന്നലെ നടന്ന സംഭവത്തിൽ നിയമം എന്തുചെയ്തു? പോലീസുകാർ നിന്ന് ജാഥയ്ക്ക്‌ പോകാനുള്ള വഴിയൊരുക്കിക്കൊടുത്തു.



ഇത്തരത്തിൽ ഒരു legal immunity ഉള്ള ഒരേയൊരു സാധനമാണ്‌ വിശ്വാസം. ആചാരങ്ങൾ എന്ന പേരിൽ എന്ത്‌ വൃത്തികേടും ന്യായീകരിക്കാനുള്ള ഒരു സാധനമാണ്‌ വിശ്വാസം. ജല്ലിക്കെട്ട്‌ പോലുള്ള പ്രാകൃതാഘോഷങ്ങൾ നിരോധിയ്ക്കാനുള്ള ശ്രമങ്ങളെ തുടക്കത്തിൽ തന്നെ നുള്ളിക്കളയാൻ ഇത്തരം വിശ്വാസിക്കൂട്ടങ്ങൾക്ക്‌ സാധിച്ചിട്ടുണ്ട്‌.

വിശ്വാസം, ആചാരം, സംസ്കാരം തുടങ്ങിയ പദങ്ങൾ മനുഷ്യനന്മയ്ക്ക്‌ യാതൊന്നും നൽകാത്ത ഇത്തരം കൃത്യങ്ങൾക്ക്‌ വരെ ഉപയോഗിയ്ക്കാൻ ഇവർക്ക്‌ യാതൊരു മടിയുമില്ല. അദൃശ്യമായൊരു വിശ്വാസലോബി ഇത്തരം കാര്യങ്ങളിൽ പ്രവർത്തിക്കുന്നുണ്ട്‌, അതിനെ മറികടന്ന് പ്രവർത്തിക്കാൻ കോടതികൾക്കുപോലും സാധിയ്ക്കില്ല. It is immutable, and that is it.

ഇത്‌ വിശ്വാസികളല്ലേ ചെയ്യുന്നത്‌, നിങ്ങൾക്കെന്ത്‌ നഷ്ടം എന്നൊരു ചോദ്യവും വന്നേയ്ക്കാം. പൊതുസ്ഥലത്ത്‌ ആളുകൾക്ക്‌ അസ്വസ്ഥതയുണ്ടാക്കുന്ന തരത്തിലുള്ള ദൃശ്യമാണെങ്കിൽ, സാധാരണനിലയിൽ, ജനം എന്ത്‌ ചെയ്യും? മറ്റുമതസ്ഥർക്കടക്കം പലർക്കും കുട്ടികളുടെ കവിൾ കുത്തിത്തുളച്ച്‌ കാണുന്നത്‌ അത്ര സുഖമുള്ള കാര്യമൊന്നുമായിരിക്കില്ല. വിശ്വാസത്തിന്റെ കാര്യമായതിനാൽ (സ്വന്തം തടി രക്ഷിക്കാനുള്ളതിനാലും) ഞാനടക്കം പലരും നേരിട്ട്‌ എതിർപ്പ്‌ പ്രകടിപ്പിക്കുന്നില്ല എന്നേയുള്ളു. വിശ്വാസത്തിന്റെ അദൃശ്യശക്തിയ്ക്ക്‌ ഇതിൽക്കൂടുതൽ തെളിവ്‌ വേണമെന്നില്ല.


ദൈവവിശ്വാസത്തിന്റെ പേരിൽ എന്തും ന്യായീകരിക്കപ്പെടേണ്ടതുണ്ടോ? നിയമവും നിയമപാലകരും അതിന്‌ മൗനാനുവാദം നൽകേണ്ടതുണ്ടോ?

=======================================
ഇപ്പോഴും പറയാം, പറഞ്ഞുകൊണ്ടേയിരിക്കാം: വിശ്വാസം, അതല്ലേ എല്ലാം. എത്രകാലം ഈ സ്വർണ്ണക്കടക്കാരന്റെ കച്ചവടബുദ്ധിയിൽ തെളിഞ്ഞ വാചകം പൊക്കിപ്പിടിച്ചുനടക്കാം?

72 comments:

അപ്പൂട്ടൻ said...

നിയമം ഒന്നും മിണ്ടില്ല, നിയമപാലകർ പ്രോത്സാഹിപ്പിക്കും. ഇങ്ങിനെയും ഒരു നിയമലംഘനം.

ഹരീഷ് തൊടുപുഴ said...

അപ്പൂട്ടാ..
വിശ്വാസികൾക്ക് അവരുടെ വിശ്വാസങ്ങളിൽ അടിയുറച്ചു വിശ്വസിക്കാനും..
അവിശ്വാസികൾക്ക് അവരുടെ അവിശ്വാസങ്ങളിൽ നിലയുറപ്പിക്കുവാനും..
നമ്മുടെ ഭരണഘടന അനുവദിച്ചു തരുന്നുണ്ട്..

വിശ്വാസികൾക്ക് പലപ്പോഴും വിശ്വാസമെന്നത് അവർക്ക് മനസ്സിനു കിട്ടുന്ന പ്രത്യേകമായൊരു ഊർജ്ജമാണ്. അതിലവർ വിശ്വസിച്ച് നിർവൃതിയടയട്ടെ. അതിന്റെ ഗുണദോഷഫലങ്ങൾ അവർ അനുഭവിക്കട്ടെ. അതു ഷെയർ ചെയ്യാൻ അവർ അവിശ്വാസികളെ ക്ഷണിക്കുന്നില്ലല്ലൊ. പിന്നെ അവിശ്വാസികളെ വിശ്വാസികളാക്കാൻ ഒരിക്കലും ഒരു വിശ്വാസിയും നിർബന്ധിക്കുന്നുമില്ല എന്നാണ് എന്റെ വിശ്വാസം. വിശ്വാസികൾക്ക് പ്രശ്നമൊന്നുമില്ലെങ്കിൽ അവരുടെ വിശ്വാസത്തിൽ അധിഷ്ഠിതമായി ആചാരങ്ങൾ അനുഷ്ഠിക്കുവാൻ തയ്യാറാണെങ്കിൽ എന്തിനു നാം അതു മുടക്കുന്നു..!

cALviN::കാല്‍‌വിന്‍ said...

ഹരീഷ് പോസ്റ്റ് ശ്രദ്ധിച്ച് വായിക്കൂ. പ്രായപൂർത്തി ആയ ഒരാളുടെ വിശ്വാസസ്വാതന്ത്ര്യം നിലനിർത്തുന്നതല്ല ഇവിടെ പ്രശ്നം.

അപ്പൂട്ടൻ said...

വിശ്വാസികൾക്ക്‌ പ്രശ്നമൊന്നുമില്ലെങ്കിൽ അവരുടെ വിശ്വാസത്തിൽ അധിഷ്ഠിതമായി ആചാരങ്ങൾ അനുഷ്ഠിക്കുവാൻ തയ്യാറാണെങ്കിൽ എന്തിനു നാം അതു മുടക്കുന്നു


ഹരീഷ്‌ജീ,
വിശ്വാസികളുടെ ദൈവവിശ്വാസത്തെക്കുറിച്ച്‌ എനിക്ക്‌ യാതൊരു പരാതിയുമില്ല. അത്തരത്തിൽ ഒന്നും തന്നെ ഞാനിവിടെ പറഞ്ഞിട്ടുമില്ല.

പ്രധാനപ്രശ്നങ്ങൾ, എന്നെ സംബന്ധിച്ചിടത്തോളം, ഇവയാണ്‌.

1. ശരീരത്തിൽ സാരമായ മുറിവുണ്ടാക്കി അത്‌ പൊതുജനമദ്ധ്യത്തിൽ പ്രദർശിപ്പിക്കുന്നത്‌, സാധാരണഗതിയിൽ, മനുഷ്യർക്ക്‌ അരോചകമായി തോന്നുന്ന കാര്യമാണ്‌. അത്‌ കണ്ടുകൊണ്ടിരിക്കാൻ ആർക്കും വലിയ താൽപര്യമൊന്നുമുണ്ടാവില്ല.

2. ഇതേ കാര്യം കുട്ടികളിൽ നടപ്പിലാക്കുന്നത്‌ നിയമവിരുദ്ധമാണ്‌. തങ്ങളുടെ താൽപര്യം കുട്ടികളിൽ കുത്തിവെയ്ക്കുന്ന നടപടിയല്ലേയിത്‌? കാര്യം സ്വന്തം കുട്ടിയാണെങ്കിൽ പോലും അവരുടെ ദേഹത്ത്‌ മുറിവേൽപ്പിക്കാൻ മാതാപിതാക്കൾക്ക്‌ എന്താണവകാശം? കുട്ടികളിൽ അനാവശ്യമായി മുറിവുണ്ടാക്കി പ്രദർശിപ്പിച്ച്കാണിക്കുന്നത്‌ അതിലേറെ അരോചകമാണ്‌.

ഇതുരണ്ടും വൃത്തികേടാണോ?

ആണെങ്കിൽ വിശ്വാസത്തിന്റെ പേരിൽ മാത്രം എന്തിന്‌ അനുവദിക്കണം?

ഹരീഷ് തൊടുപുഴ said...

2. ഇതേ കാര്യം കുട്ടികളിൽ നടപ്പിലാക്കുന്നത്‌ നിയമവിരുദ്ധമാണ്‌. തങ്ങളുടെ താൽപര്യം കുട്ടികളിൽ കുത്തിവെയ്ക്കുന്ന നടപടിയല്ലേയിത്‌? കാര്യം സ്വന്തം കുട്ടിയാണെങ്കിൽ പോലും അവരുടെ ദേഹത്ത്‌ മുറിവേൽപ്പിക്കാൻ മാതാപിതാക്കൾക്ക്‌ എന്താണവകാശം?

അപ്പൂട്ടാ..
ഇതൊന്നും മാതാപിതാക്കൾ കുട്ടികളിൾ അടിച്ചേല്പിക്കുന്നതാണെന്ന നിഗമനത്തോട് ഒരു പെർസെന്റേജ് പോലും ഞാൻ യോജിക്കുന്നില്ല. കാരണം കുറെ വർഷങ്ങളായി ഞാനിത് കാണുന്നയാളാണു. വളരെയേറേ താല്പര്യത്തോടെ ശരംകുത്താൻ സന്നദ്ധരായി വരുന്ന കുട്ടികളെയാണു ഞാൻ കണ്ടിരിക്കുന്നത്. സത്യത്തിൽ അവർക്കിതൊരു ഭ്രാന്തുപോലെയാണു. എന്തുകൊണ്ടാണിങ്ങനെയെന്നൊക്കെ ചോദിച്ചാൽ കൈമലർത്താനേ എനിക്കു കഴിയൂ. ഇനി ഈ ആചാരം നിർത്തൽചെയ്യണമെങ്കിൽ പോലും കോടതി മുന്നിട്ടിറങ്ങി വന്നു മാത്രമേ നടക്കൂ. ടി. ആചാരത്തിൽ മുഴുകി ഇരിക്കുന്ന ആരെങ്കിലും ഇതിനെതിരേ കോടതിയിൽ പോകും എന്നൊന്നും എനിക്കൊരു ഹോപ്പു പോലുമില്ല.

അപ്പൂട്ടൻ said...

ഹരീഷ്‌ജീ,
പത്തുവയസുപോലും തികയാത്ത ഒരു കുട്ടിയ്ക്ക്‌ ഇത്രയധികം (ഭ്രാന്തമായ രീതിയിൽ) വിശ്വാസം വരുന്നുണ്ടെങ്കിൽ അതിന്റെ കാരണക്കാർ ആരാണ്‌? തുടക്കം മുതൽക്കേ കുട്ടിയിൽ സ്വാധീനം ചെലുത്താൻ കഴിവുള്ള ആരെങ്കിലും കയറ്റിവിട്ടിട്ടല്ലാതെ കുട്ടികൾക്ക്‌ ഇത്തരം ഭ്രാന്ത്‌ ഉണ്ടാകുമോ? കുട്ടികളുടെ തലത്തിൽ ഇത്തരം സ്വാധീനവും കുത്തിവെയ്ക്കൽ തന്നെയാണ്‌ ഹരിഷ്‌ജീ...

ഇത്തരം കാര്യങ്ങൾ മാതാപിതാക്കളുടെ അനുവാദത്തോടെയല്ല എന്ന് തോന്നുന്നുണ്ടോ?

As far as I know, ഒരു മൈനർ സന്നദ്ധത പ്രകടിപ്പിച്ചിട്ടാണെങ്കിൽ പോലും നടക്കുന്ന കാര്യങ്ങൾക്ക്‌ നിയമപ്രകാരം കൃത്യം ചെയ്തവരാണ്‌ ഉത്തരവാദികൾ എന്ന്.

താങ്കളുടെ ഈ വാചകം ഞാനുമംഗീകരിക്കുന്നു.

എന്തുകൊണ്ടാണിങ്ങനെയെന്നൊക്കെ ചോദിച്ചാൽ കൈമലർത്താനേ എനിക്കു കഴിയൂ

ഹരീഷ് തൊടുപുഴ said...

അപ്പൂട്ടാ..

കുട്ടികളിൽ അത് മുതിർന്നവർ കുത്തിവെക്കപ്പെടുന്നതാണൊ എന്നതിന് വ്യക്തമായ തെളിവുകൾ ഉണ്ടാക്കപ്പെടേണ്ടിയിരിക്കുന്നു.
ആ തെളിവുകൾ കിട്ടാട്ടിടത്തോളം കാലം നിയമം മുന്നിട്ടിറങ്ങി വരാതെ ഈ ആചാരം നിരോധിക്കുക സാധ്യമല്ല.


ഇന്നത്തെ മനൊരമ, കേരള കൌമുദി പത്രത്തിന്റെ ഫ്രെണ്ട് പേജിൽ വിശ്വാസത്തെ പറ്റി ബഹു.മുഖ്യമന്ത്രി സ.വി.എസിന്റെ ഒരു പ്രസ്താവനയുണ്ട്. അത് കൂട്ടി വായിച്ചോളൂ..:)

- സാഗര്‍ : Sagar - said...

"കുട്ടികളിൽ അത് മുതിർന്നവർ കുത്തിവെക്കപ്പെടുന്നതാണൊ എന്നതിന് വ്യക്തമായ തെളിവുകൾ ഉണ്ടാക്കപ്പെടേണ്ടിയിരിക്കുന്നു. "


ഞാന്‍ ബു ഹ ഹ ഹ.. എന്നു ഉറക്കെ ചിരിച്ചിരിക്കുന്നു....

കാവലാന്‍ said...

വിശ്വാസികള്‍ ചിന്തിക്കാന്‍ തയാറാവാതെ ഇതിനൊന്നും ഒരു കുറവുവരാന്‍ സാധ്യതയില്ല.

അപ്പൂട്ടൻ said...

ഹരീഷ്‌ജീ,

ഈ ദൈവവിശ്വാസവും പ്രത്യേക ജനവിഭാഗങ്ങൾക്കിടയിൽ നിലനിൽക്കുന്ന ആചാരങ്ങളും, ആരും പഠിപ്പിക്കാതെതന്നെ, ജന്മനാ കിട്ടുന്നതാണെന്ന് കരുതാവുന്ന ഒന്നാണെന്ന വാദമുണ്ടെങ്കിൽ, ആയിക്കോട്ടെ.

ബിജു ചന്ദ്രന്‍ said...

"കുട്ടികളിൽ അത് മുതിർന്നവർ കുത്തിവെക്കപ്പെടുന്നതാണൊ എന്നതിന് വ്യക്തമായ തെളിവുകൾ ഉണ്ടാക്കപ്പെടേണ്ടിയിരിക്കുന്നു. "

സാഗറിന്റെ കൂടെ ഞാനും ചിരിക്കുന്നു.

ബിജു ചന്ദ്രന്‍ said...

ഇത്തരം ബാലപീഡകര്‍ക്കെതിരെ ക്രിമിനല്‍ കേസ് എടുക്കുകയും അവരെ ജയിലിലടയ്ക്കുകയും വേണം. "വിശ്വാസം , അതല്ലേ എല്ലാം " ലൈന്‍ ചര്‍ച്ച ഒക്കെ അങ്ങ് സെന്‍ട്രല്‍ ജയിലില്‍ ചെന്ന് മതി.

നിസ്സഹായന്‍ said...

ഒരു സമൂഹത്തിന് ആശയസാക്ഷരതയും യുക്തിചിന്തയും ഉണ്ടാകാതെ അവരുടെ ആചാരാനുഷ്ഠാനങ്ങളെയും മതങ്ങളെയും ദൈവങ്ങളെയും വിശകലനം ചെയ്യാനുള്ള ശേഷി ലഭിക്കില്ല. ഇതെല്ലാമുണ്ടാക്കാന്‍ ത്യാഗസന്നദ്ധരായ പ്രവര്‍ത്തകരും പ്രസ്ഥാനങ്ങളും ഉണ്ടാകണം. പതുക്കെയാണെങ്കിലും ഫലമുണ്ടാകാതെയിരിക്കില്ല. അതിനു പകരം ഇതൊക്കെ വിശ്വാസികളുടെ പ്രശ്നങ്ങളല്ലേ, അവരുടെ അവകാശങ്ങളല്ലേ എന്നു കണ്ണടച്ചാല്‍ ഒരു മാറ്റവും സംഭവിക്കില്ല. സതിയും നരബലിയും ബ്രീട്ടീഷ് ഭരണാധികാരികള്‍ നിരോധിച്ചു. ജന്തുബലി നമ്മുടെ സര്‍ക്കാരും. പക്ഷെ ഇപ്പോള്‍ വിശ്വാസിയുടെ അന്ധവിശ്വാസത്തെ പ്രോത്സാഹിപ്പിക്കുന്നതാണ് അവനെ പ്രീണിപ്പിക്കാനും വോട്ട് തട്ടാനും നല്ലതെന്നു കരുതുന്ന ചൂഷകരായ രാഷ്ട്രീയക്കാര്‍ ഒരു മാറ്റത്തിനും സമ്മതിക്കില്ല. ശബരിമല ദുരന്തമുണ്ടായപ്പോള്‍ മുഖ്യമന്ത്രിയും മന്ത്രിമാരും പറയുന്നത് ഇന്നത്തെ പത്രങ്ങളില്‍ വായിക്കൂ.

noufi said...

"കുട്ടികളിൽ അത് മുതിർന്നവർ കുത്തിവെക്കപ്പെടുന്നതാണൊ എന്നതിന് വ്യക്തമായ തെളിവുകൾ ഉണ്ടാക്കപ്പെടേണ്ടിയിരിക്കുന്നു. "

ഞാനും ബു ഹ ഹ ഹ..........
ബു ഹ ഹ ഹ..........

noufi said...
This comment has been removed by the author.
ഹരീഷ് തൊടുപുഴ said...

ഇത്തരം ബാലപീഡകര്‍ക്കെതിരെ ക്രിമിനല്‍ കേസ് എടുക്കുകയും അവരെ ജയിലിലടയ്ക്കുകയും വേണം. "വിശ്വാസം , അതല്ലേ എല്ലാം " ലൈന്‍ ചര്‍ച്ച ഒക്കെ അങ്ങ് സെന്‍ട്രല്‍ ജയിലില്‍ ചെന്ന് മതി.


ഒന്നു ശ്രമിച്ചു നോക്കു സുഹൃത്തേ..
നടക്കുവോന്നു നോക്കാലോ..

Muneer said...

അപ്പൂട്ടന്‍റെ നിരീക്ഷണങ്ങളുമായി 90% യോജിക്കുന്നു. തങ്ങള്‍ ചെയ്യുന്നതു പൊതു സമൂഹത്തെ എങ്ങനെ ബാധിക്കും എന്ന് ചിന്തിക്കാത്ത ഒരു പാട് സാമൂഹിക വിരുദ്ധര്‍ നമുക്ക് ചുറ്റും ഉണ്ട്. പൊതു യോഗങ്ങളില്‍ ചെവി തുളക്കുന്ന ശബ്ദത്തില്‍ പട്ടു വെക്കുന്നവരും, indoor പരിപാടികളില്‍ മൈക്ക് പുറത്തേക്കിട്ടു വഴിയിലൂടെ പോവുന്നവരെക്കൂടി കേള്‍പ്പിക്കണം എന്ന് വാശി ഉള്ളവരും, ഒരു പ്രകടനം നടത്തുമ്പോള്‍ അത് റോഡിന്‍റെ ഒത്ത നടുക്കൂടെ ആവണം എന്ന് കരുതുന്നവരും അനവധി ഉണ്ട്. ഇതൊക്കെ തങ്ങളുടെ അവകാശം ആണെന്ന മട്ടിലാണ് പലരുടെയും പ്രകടനം!

"ഇത്തരത്തിൽ ഒരു legal immunity ഉള്ള ഒരേയൊരു സാധനമാണ്‌ വിശ്വാസം." അപ്പൂട്ടന്‍റെ ഈ പ്രസ്താവനയോട് ഞാന്‍ വിയോജിക്കട്ടെ? നിയമ വിരുദ്ധ പ്രവര്‍ത്തനം സംഘടിതമായി നടത്തുന്നവര്‍ വിശ്വാസികള്‍ മാത്രമാണോ? പല രാഷ്ട്രീയക്കാരും സര്‍ക്കാര്‍ ഉദ്യോഗസ്ഥരും നിയമ ലഘനം ഒരു അവകാശം പോലെ കൊണ്ട് നടക്കുന്നില്ലേ? ശതമാനം പറഞ്ഞു അഴിമതി നടത്തുന്നവരും, തെറി വിളിയും മൂന്നാം മുറയും ഇല്ലാത്തവര്‍ പോലീസുകാര്‍ അല്ല എന്ന് കരുതുന്ന പോലീസുകാരും നമുക്കിടയില്‍ തന്നെ അല്ലെ ജീവിക്കുന്നത്? പാവപ്പെട്ടവര്‍ക്ക് വീട് നിര്‍മിക്കാനുള്ള ഫണ്ടില്‍ നിന്ന് പോലും കയ്യിട്ടു വാരുന്ന രാഷ്ട്രീയക്കാരില്ലേ? ഇവര്‍ക്കൊന്നും legal immunity ഇല്ല എന്നാണോ അപ്പൂട്ടന്‍റെ വാദം?

പ്രസ്തുത വിഷയത്തില്‍ പോലീസുകാര്‍ അകമ്പടി പോയതാണ് വിഷയം എങ്കില്‍, ആരും പരാതിപ്പെടാതെ അവര്‍ എന്തിനാണ് കേസ് എടുക്കുന്നത്? വെറുതെ ഒരു ഏടാ കൂടം തലയില്‍ വെക്കാന്‍ അവര്‍ക്കും ഒരു വൈമനസ്യം ഉണ്ടാവില്ലേ? അവരും മനുഷ്യര്‍ തന്നെ അല്ലെ?

എന്‍റെ അഭിപ്രായത്തില്‍, ഇത്തരത്തില്‍ സാമൂഹ്യദ്രോഹം ഉണ്ടാക്കുന്നവരെ സാമൂഹ്യ ദ്രോഹികള്‍ എന്ന ഗണത്തിലേ പെടുത്താന്‍ പറ്റൂ. വിശ്വാസികള്‍, രാഷ്ട്രീയക്കാര്‍, സര്‍ക്കാര്‍ ജീവനക്കാര്‍ ഇങ്ങനെയൊക്കെ തരംതിരിക്കാന്‍ നിന്നാല്‍ വിഷയം വഴി മാറിപ്പോവുകയെ ഉള്ളൂ, പ്രശ്നം പരിഹരിക്കപ്പെടില്ല. അപ്പൂട്ടന്‍റെ ഈ പോസ്റ്റ്‌ തന്നെയും ചര്‍ച്ചിച്ച് ചര്‍ച്ചിച്ച് യഥാര്‍ത്ഥ വിഷയമായ സാമൂഹ്യ ദ്രോഹത്തില്‍ നിന്നും വഴി തെറ്റി വിശ്വാസ കാര്യങ്ങളിലേക്ക് പോവും എന്ന് ഞാന്‍ ഭയക്കുന്നു.

അപ്പൂട്ടൻ said...

മുനീർ,
Legal Immunity എന്നതുകൊണ്ട്‌ ഞാൻ ഉദ്ദേശിച്ചത്‌ സാധാരണഗതിയിൽ നിയമവിരുദ്ധമാകാൻ സാധ്യതയുള്ള കാര്യം പോലും വിശ്വാസത്തിന്റെ പേരിലായാൽ ചോദ്യം ചെയ്യപ്പെടാൻ പാടില്ല എന്നതരത്തിലുള്ള ഒരു അലിഖിതരീതി നിലനിൽക്കുന്നുണ്ട്‌ എന്നതിനാലാണ്‌. അഴിമതിയും മറ്റും പുറത്ത്‌ വരാത്തതിനാൽ, അല്ലെങ്കിൽ നിയമത്തിലെ പഴുതുകൾ ഫലപ്രദമായി ഉപയോഗിക്കുന്നതിനാൽ, ശിക്ഷിക്കപ്പെടാതെ പോകുന്നതാണ്‌, അല്ലാതെ നിയമമില്ലാത്തതിനാലല്ല, നിയമം നടപ്പിലാക്കാൻ സാധിക്കാത്തതിനാലല്ല.

വിശ്വാസത്തിന്റെ കാര്യത്തിൽ ഇത്‌ ബാധകമേയല്ല എന്നതാണ്‌ ഖേദകരം.

സാധാരണഗതിയിൽ ആർക്കും ഈ ലീഗൽ ഇമ്മ്യൂണിറ്റി ഇല്ല, പിടിയ്ക്കപ്പെട്ടാൽ, തെളിവുണ്ടെങ്കിൽ, ശിക്ഷിക്കപ്പെടാം. ഇവിടെയോ? പൊതുസ്ഥലത്ത്‌ ഇത്തരം സംഭവമുണ്ടായിട്ടും അതിൽ കേസില്ല എന്ന മട്ടിലാണ്‌ കാര്യങ്ങൾ. ജുഡീഷ്യറി പോലും വിശ്വാസപരമായ കാര്യങ്ങൾ പരമാവധി ഒഴിവാക്കാറാണ്‌ പതിവ്‌.

പോലീസ്‌ അകമ്പടി പോയതല്ല എന്റെ പ്രതികരണത്തിന്‌ കാരണം. പോലീസ്‌ കേസെടുക്കില്ല, പരാതിയുണ്ടെങ്കിൽപ്പോലും. അത്‌ നന്നായി അറിയാവുന്നതുമാണ്‌. (ഹരീഷിന്റെ കമന്റിനുകൂടിയുള്ള ഉത്തരമാകും എന്ന് കരുതുന്നു). എന്റെ പ്രതികരണം വിശ്വാസത്തിന്റെ പേരിൽ നടക്കുന്ന ആചാരവൈകൃതങ്ങൾക്കും അതിൽ നിയമത്തിന്റെ നിസഹായതയ്ക്കും എതിരെയാണ്‌.

PS: ഇത്‌ ഇന്ത്യയിലെ മാത്രം കാര്യമല്ല എന്നുകൂടി പറയട്ടെ.

ഹരീഷ് തൊടുപുഴ said...

ബുഹഹ..
ചിരിക്കാൻ
കൊട്ടേഷൻ കൊടുത്തിട്ടുള്ള അനോണിക്കുട്ടൻസ് “ശാത്രഞ്ജൻ“ മാരൊക്കെ തീർന്നോടേ..
ഞനൊരു പത്തിരുപതെണ്ണത്തിനെ പ്രതീക്ഷിച്ചിരുന്നു..
എന്തിരെടേ..
എല്ലാനും പോയേടേ..
ചുമ്മാ ഇളിക്കടേ..
ബുഹഹാന്ന്..
സ്വന്തം ഐഡീൽ ചെയ്യരുത് കെട്ട..
നീയൊക്കെ വല്യ പുളുത്തിയ മോന്മാരല്ലേ..

ബിജു ചന്ദ്രന്‍ said...

ചിരിച്ചവന്‍മാരെയൊക്കെ പിടിച്ചു നാലെണ്ണം കൊടുക്കഡേയ് ... ഒരു മണ്ടത്തരം വിളിച്ചു പറഞ്ഞപ്പോഴേക്കും ചുമ്മാ ചിരിക്കാന്‍ ചിരിക്കാന്‍ ആളെത്തിയിരിക്കുന്നു . ആരും ഇവിടെ ചിരിച്ചു പോകരുത് ! അല്ല പിന്നെ !

മുക്കുവന്‍ said...

നിയമം ഒന്നും മിണ്ടില്ല, നിയമപാലകർ പ്രോത്സാഹിപ്പിക്കും. ഇങ്ങിനെയും ഒരു നിയമലംഘനം...

well said Mr Appoottan

Jack Rabbit said...

നിസ്സഹായന്‍ said...

പക്ഷെ ഇപ്പോള്‍ വിശ്വാസിയുടെ അന്ധവിശ്വാസത്തെ പ്രോത്സാഹിപ്പിക്കുന്നതാണ് അവനെ പ്രീണിപ്പിക്കാനും വോട്ട് തട്ടാനും നല്ലതെന്നു കരുതുന്ന ചൂഷകരായ രാഷ്ട്രീയക്കാര്‍ ഒരു മാറ്റത്തിനും സമ്മതിക്കില്ല. ശബരിമല ദുരന്തമുണ്ടായപ്പോള്‍ മുഖ്യമന്ത്രിയും മന്ത്രിമാരും പറയുന്നത് ഇന്നത്തെ പത്രങ്ങളില്‍ വായിക്കൂ.


ഇതു മാറാതെ ഒന്നും നടക്കാന്‍ പോകുന്നില്ല

/JR

YUKTHI said...

മുസ്ലിം സമുദായത്തില്‍ നിലവിലുള്ള "സുന്നത്ത്" കൂടി ഈ ഗണത്തില്‍ പെടുന്ന പീഡനം തന്നെ അല്ലെ? മുരുകന്‍ ആയാലും അല്ലാഹു ആയാലും "വിശ്വാസികളുടെ" വേദനയില്‍ ഹരം കൊള്ളുന്നത്‌ എന്തിനാണ് എന്നു മനസ്സിലാവുന്നില്ല.

kaalidaasan said...

>>>>>കുട്ടികളിൽ അത് മുതിർന്നവർ കുത്തിവെക്കപ്പെടുന്നതാണൊ എന്നതിന് വ്യക്തമായ തെളിവുകൾ ഉണ്ടാക്കപ്പെടേണ്ടിയിരിക്കുന്നു.<<<<

ഹരീഷ്,


മുസ്ലിങ്ങളുടെയോ ക്രിസ്ത്യാനികളുടെയോ കുട്ടികള്‍ ഇതിനു വിധേയരാകാന്‍ സന്നദ്ധാരായി മുന്നോട്ടു വരാറുണ്ടോ എന്നറിഞ്ഞാല്‍ കൊള്ളാമായിരുന്നു.

കുട്ടികള്‍ സ്വയം തെരഞ്ഞെടുക്കുന്നതാണെങ്കില്‍ എല്ലാ മതത്തിലും പെട്ട കുട്ടികള്‍ മുന്നോട്ടു വരേണ്ടതല്ലേ?

ഹരീഷ് തൊടുപുഴ said...

>>>>>കുട്ടികളിൽ അത് മുതിർന്നവർ കുത്തിവെക്കപ്പെടുന്നതാണൊ എന്നതിന് വ്യക്തമായ തെളിവുകൾ ഉണ്ടാക്കപ്പെടേണ്ടിയിരിക്കുന്നു.<<<<

ഹരീഷ്,


മുസ്ലിങ്ങളുടെയോ ക്രിസ്ത്യാനികളുടെയോ കുട്ടികള്‍ ഇതിനു വിധേയരാകാന്‍ സന്നദ്ധാരായി മുന്നോട്ടു വരാറുണ്ടോ എന്നറിഞ്ഞാല്‍ കൊള്ളാമായിരുന്നു.

കുട്ടികള്‍ സ്വയം തെരഞ്ഞെടുക്കുന്നതാണെങ്കില്‍ എല്ലാ മതത്തിലും പെട്ട കുട്ടികള്‍ മുന്നോട്ടു വരേണ്ടതല്ലേ?




കാളിദാസൻ..
മറ്റു മതങ്ങളൂടേ കാര്യത്തേ പറ്റി ഒന്നും പറയാനില്ല.
ഞാൻ ഉദ്ദേശിച്ചത് ഇത്രമാത്രം..
കുട്ടികൾ ശരംകുത്തിനു പോകുന്നുണ്ട്..
അതവരുടെ സ്വന്തം ഇഷ്ടപ്രകാരമാണെന്നാണു ഞാൻ മനസ്സിലാക്കിയിരിക്കുന്നത്..
നിർബന്ധിച്ചു ചെയ്യിപ്പിക്കുന്നതാണെന്നു നിങ്ങൾക്കു തെളിവുകൾ സ്ഥാപിച്ചെടുക്കാമെങ്കിൽ അവരുടെ മാതാപിതാക്കൾക്കെതിരെയും ഇത്തരം പരിപാടികൾ ആസൂത്രണം ചെയ്ത അധികൃതർക്കെതിരെയും പരാതിപ്പെടാവുന്നതാണു..

bright said...

ഞാനൊരു ഡോക്ടറാണ്.ഇന്നേവരെ ഒരു കുട്ടിയും ഒരിഞ്ചക്ഷനെടുക്കാന്‍ എന്റെ മുന്നില്‍ സന്തോഷത്തോടെ സ്വമനസ്സാലെ വന്നിട്ടില്ല.ചെറിയൊരു സൂചി കൊണ്ട് കുത്തുന്നത് സഹിക്കാന്‍ തയ്യാറല്ലാത്ത കുട്ടികള്‍ സ്വന്തം ഇഷ്ടപ്രകാരമാണ് വലിയ ശൂലം തറച്ച് മണികൂറുകളോളം ചാടി തുള്ളുന്നത് എന്ന് താങ്കള്‍ക്ക് വിശ്വസിക്കാം.അതുകേട്ട് ആരെങ്കിലും ചിരിച്ചാല്‍ പരിഭാവിച്ചിട്ടുകാര്യമില്ല.

Suresh Alwaye said...

മതത്തിന്റെയും aachaarathinteyum peril എന്ത് കാണിച്ചാലും ആരും ചോദിക്കനില്ലതതാണ് എല്ലാത്തിന്റെയും വളം

M.A Bakar said...

മതങ്ങള്‍ അന്ധവിശ്വാസങ്ങള്‍ ഉണ്ടാക്കുന്നില്ല. (ചിലര്‍ക്ക്‌ അങ്ങനെ തോന്നാമെങ്കിലും..) പക്ഷേ മതത്തിനൊപ്പമേ അന്ധവിശ്വാസങ്ങള്‍ വളരുന്നുള്ളു. ചില പ്രാദേശിക ദുരാചാരങ്ങളെ മതവിശ്വാസവും ദൈവ-പ്രീതി വിശ്വാസവുമാക്കി ചുരുക്കുകയാണ്‌ ഒരുപക്ഷേ പല മത വിശ്വാസികളും ചെയ്യുന്നത്‌.

അങ്ങനെയാണ്‌ മതങ്ങള്‍ കല്ലെറിയപ്പെടാന്‍ വിധിക്കപ്പെടുന്നത്‌, അതോടെ അന്ധവിശ്വാസങ്ങള്‍ തോരാതെ നിന്ന് ചിരിക്കുകയും തുമ്മുകയും അട്ടഹസിക്കുകയും ഒക്കെ ചെയ്യുന്നു.

നിസ്സഹായന്‍ said...

@ Muneer

"ഇത്തരത്തില്‍ ഒരു legal immunity ഉള്ള ഒരേയൊരു സാധനമാണ്‌ വിശ്വാസം." അപ്പൂട്ടന്‍റെ ഈ പ്രസ്താവനയോട് ഞാന്‍ വിയോജിക്കട്ടെ? നിയമ വിരുദ്ധ പ്രവര്‍ത്തനം സംഘടിതമായി നടത്തുന്നവര്‍ വിശ്വാസികള്‍ മാത്രമാണോ? പല രാഷ്ട്രീയക്കാരും സര്‍ക്കാര്‍ ഉദ്യോഗസ്ഥരും നിയമ ലഘനം ഒരു അവകാശം പോലെ കൊണ്ട് നടക്കുന്നില്ലേ?.."

മതങ്ങള്‍ക്കും വിശ്വാസങ്ങള്‍ക്കും ലഭിക്കുന്ന ലീഗല്‍ ഇമ്മ്യൂണിറ്റി മറ്റൊന്നിനും ലഭിക്കുകയില്ലെന്നതാണ് സത്യം. മതമൊഴിച്ച് താങ്കള്‍ വിവരിച്ച ആഴിമതിയുള്‍പ്പെടുന്ന ഏതു പ്രതിഭാസത്തെയും കുറഞ്ഞപക്ഷം കോടതിയിലെങ്കിലും നമുക്ക് നേരിടാം. പക്ഷെ മതത്തെ സംബന്ധിച്ച് അത് നടപ്പില്ല. 'സെവന്‍ത്ത് ഡേ അഡ്വന്‍റിസ്റ്റു' വിശ്വാസികളായ രണ്ടു വിദ്യാര്‍ത്ഥികള്‍ക്കു വേണ്ടി മാത്രമായി SSLC പരീക്ഷ അവരുടെ സൌകര്യാര്‍ത്ഥം രാത്രിയില്‍ കോടതിയുത്തരവോടു കൂടി നടത്തിക്കൊടുത്ത ആഭാസകേന്ദ്രമാണ് കേരളം. ഒരു മതവിശ്വാസത്തെ ചോദ്യം ചെയ്യാന്‍ മറ്റു മതവിശ്വാസികള്‍ക്ക് അധികാരവുമില്ല,അതിനവര്‍ തയ്യാറാവുകയുമില്ല,കാരണം ഇത് ചൂണ്ടിക്കാണിച്ചു വേണം തങ്ങള്‍ക്കും കൂടുതല്‍ സൌകര്യങ്ങള്‍ നേടിയെടുക്കാന്‍. നാളെ എല്ലാ വെള്ളിയാഴ്ചയും അവധി പ്രഖ്യാപിക്കണമെന്നും നിസ്ക്കാരസമയത്ത് ആഫീസ് പ്രവര്‍ത്തനങ്ങള്‍ നിറുത്തിവെയ്ക്കണമെന്ന് മുസ്ലീങ്ങള്‍ ആവശ്യപ്പെട്ടാല്‍ നിസ്സാരമായി നേടിയെടുക്കാവുന്നതേയുള്ളു. ആറ്റുകാല്‍ പൊങ്കാല, ചക്കുളത്തുകാവ് പൊങ്കാല, കൊല്ലം പുതിയകാവ് പൊങ്കാല,..തുടങ്ങിയവയെല്ലാം നാഷണല്‍ ഹൈവേകള്‍, ബസ് സ്രറ്റാന്‍ഡ്, റെയില്‍വേസ്റ്റേഷന്‍ തുടങ്ങിയ പൊതുഇടങ്ങള്‍ അപഹരിച്ചു കൊണ്ടാണ് അരങ്ങേറുന്നത്.

പബ്ലിക്ക് റോഡുകള്‍ കൈയേറി നിര്‍മിച്ചിട്ടുള്ള സര്‍വ ആരാധനാലയങ്ങളും പൊളിച്ചു നീക്കണമെന്ന് സുപ്രീം കോടതി വിധിയുള്ളതാണ്. ഇത് നടപ്പാക്കാനുള്ള യാതൊരു നീക്കവും സര്‍ക്കാരിന്റെ ഭാഗത്തുനിന്നും ഉണ്ടാകുന്നില്ല. ഇപ്പോള്‍ റോഡുകളില്‍ പൊതുയോഗങ്ങള്‍ നടത്താന്‍ പാടില്ലെന്ന ഹൈക്കോടതി,സുപ്രീംകോടതി വിധികള്‍ ഉത്സവങ്ങള്‍ക്കും, പെരുന്നാളുകള്‍ക്കും ബാധകമാക്കുമോ ? ബാധകമാക്കിയാല്‍ തന്നെ സര്‍ക്കാര്‍ നടപടിയെടുക്കുമോ ?

jayanEvoor said...

നവീകരണം എല്ലാ മതങ്ങളിലും കാലാകാലങ്ങളിൽ ഉണ്ടായിട്ടുണ്ട്. ഇപ്പോൾ അതൊന്നും നടക്കാത്തകാലമായിരിക്കുന്നു!
ഇമ്മാതിരി ആ‍ചാരങ്ങൾ പുനർവിചിന്തനം ചെയ്യപ്പെടേണ്ട കാലം അതിക്രമിച്ചു കഴിഞ്ഞു.

അത് ബന്ധപ്പെട്ട മതങ്ങളിൽ നിന്നു തന്നെ തുടങ്ങേണ്ടിയിരിക്കുന്നു. സതിയും, തൊട്ടുകൂടായ്മയും ഒക്കെ മണ്മറഞ്ഞതുപോലെ ഇവയും മണ്മറയണം.

മുൻ കൈ എടുക്കേണ്ടത് മതത്തിലുള്ള ഉൽ‌പ്പതിഷ്ണുക്കളാണ്.

പുറമെയുള്ളവർ നിർദേശിച്ചാൽ ഒരിക്കലും ഒരു മതത്തെയും നവീകരിക്കാനാവില്ല.

നാട്ടുകാരന്‍ said...

ഹരീഷ് തെറ്റിദ്ധരിക്കില്ലെങ്കില്‍ നരബലിയേക്കുറിച്ചും മൃഗബലിയേക്കുറിച്ചും ഹരീഷിന്റെ അഭിപ്രായം അറിഞ്ഞാല്‍ കൊള്ളാമെന്നുണ്ട്. കാരണം വിശ്വാസം , അതല്ലേ എല്ലാം !

ശബരിമലയുടെ കാര്യത്തിലുണ്ടാകുന്ന വിവാദങ്ങളും ഈ കൂട്ടത്തില്‍ വായിക്കുന്നത് കാലിക പ്രസ്ക്തിയുണ്ടാക്കുന്നു.

എന്താണ് വിശ്വാസം എന്താണ് അന്ധവിശ്വാസം എന്നൊരു നിര്‍വ്വചനവും ഹരീഷില്‍ നിന്നും പ്രതീക്ഷിക്കുന്നുണ്ട്.

എന്താണ് ഇതിലൊക്കെ നമ്മള്‍ ഒരു പരിഷ്കൃതം എന്നവകാശപ്പെടുന്ന സമൂഹത്തില്‍ നിന്നും പ്രതീക്ഷിക്കുന്നത്?

നിസ്സഹായന്‍ ,

"'സെവന്‍ത്ത് ഡേ അഡ്വന്‍റിസ്റ്റു' വിശ്വാസികളായ രണ്ടു വിദ്യാര്‍ത്ഥികള്‍ക്കു വേണ്ടി മാത്രമായി SSLC പരീക്ഷ അവരുടെ സൌകര്യാര്‍ത്ഥം രാത്രിയില്‍ കോടതിയുത്തരവോടു കൂടി നടത്തിക്കൊടുത്ത ആഭാസകേന്ദ്രമാണ് കേരളം."

ഇതില്‍ മറ്റുള്ളവര്‍ക്ക് യാതൊരു അസൌകര്യവും ഉണ്ടാകാതെയാണ് ഒരാളുടെ വിശ്വാസം സംരക്ഷിക്കാന്‍ കോടതി നടപടിയെടുത്തത്. അതാണ്‌ ഒരു പരിഷ്കൃത സമൂഹം ചെയ്യേണ്ടത് എന്നാണ് എന്റെ വിശ്വാസവും. അവര്‍ക്ക് വേണ്ടി മൊത്തം കുട്ടികളുടെ പരീക്ഷ മാറ്റി വെച്ചിരുന്നു എങ്കില്‍ നിന്ഗ്ഗലുറെ വാദത്തോടു യോജിക്കാംആയിരുന്നു. അതില്‍ മറ്റുള്ള കുട്ടികള്‍ വന്നപ്പോള്‍ തന്നെ ആ കുട്ടികളും സ്കൂളില്‍ വന്നു എന്നാല്‍ പരീക്ഷ താമസിച്ചാണ് എഴ്ത്തിയതെന്നു മാത്രം. അതായത് അവരുടെ വിശ്വാസം സംരക്ഷിക്കാനുള്ള കഷ്ടപ്പാട് ആ കുട്ടികള്‍ക്ക് മാത്രം. അതിനവസരം കൊടുത്തു എന്നത് എന്നത് അഭാസമല്ല ഒരു മതെതരസമൂഹത്ത്തിന്റെ മാന്യതയും ഉത്തരവാടിത്വവുമാണ്.

ബിജു ചന്ദ്രന്‍ said...

ബക്കര്‍ കല്ലെറിയല്‍ എന്നുദ്ദേശിച്ചത് ഹജ്ജിനിടയിലെ കല്ലെറിയല്‍ ആചാരത്തെയാണോ ?

"ചില പ്രാദേശിക ദുരാചാരങ്ങളെ മതവിശ്വാസവും ദൈവ-പ്രീതി വിശ്വാസവുമാക്കി ചുരുക്കുകയാണ്‌ ഒരുപക്ഷേ പല മത വിശ്വാസികളും ചെയ്യുന്നത്‌. "
പ്രാചീന അറബ് ഗോത്ര വര്‍ഗ്ഗ ആചാരങ്ങള്‍ അന്ധമായി ഇന്നും പിന്‍തുടരുന്ന ഇസ്ലാമിനെയാണ് ബക്കര്‍ ഉദ്ദേശിച്ചതെന്നു (പ്രധാനമായി ) മനസ്സിലായി.

M.A Bakar said...

'പ്രാചീന അറബ്‌ ഗോത്രങ്ങളില്‍' പോലും "ഇന്നത്തെ ആധുനിക (മത) സംസ്കാര സമ്പന്നമായ (അപ്പൂട്ടന്‍ വിവരിക്കുന്ന) ആചാരങ്ങള്‍" ഉണ്ടായിരുന്നില്ല.

അതിനാല്‍ ബിജുചന്ദ്രന്‍ ഞാന്‍ പിന്തുടരുന്നതിനെ ഓര്‍ത്തു ബേജാറാവണ്ട..

ചാർ‌വാകൻ‌ said...

അപ്പൂട്ടാ,നന്നായി.രണ്ടുവർഷം മുമ്പ്,പേരൂർക്കടയിൽ കണ്ടദൃശ്യം ഓർക്കുന്നു.ഇതുപോലെ കുട്ടികളും മുതിർന്നവരും ഉന്മാദത്തോടെ ശൂലംകുത്തി പോകുന്നു.ഏറ്റവും പുറകിലായി പൂറത്തെ മാംസപേശിയിൽ കൊളുത്തിയ രഥവുമായി(ചെറിയ സൈസ്)മറ്റോരാൾ.കാണുന്ന നമുക്കു വേദനതോന്നും.(വിശ്വാസികൾക്ക് ഭക്തിയും)പൊട്ടിപൊളിഞ്ഞ റോഡിൽ ,ട്രാഫിക് കുരുക്കുണ്ടാക്കി മന്ദം;;മന്ദം;;;;
പണ്ട്,തമിഴ് നാട്ടിൽ ചുടലമാടൻ ദൈവം നായാട്ടിനു പോകുന്ന ചടങ്ങുണ്ടായിരുന്നു.അത് സുപ്രീം കോടതി ഐടപെട്ടാണ് നിർത്തിയത്.
കഥയിങ്ങനെ:നായാട്ടു സമയത്ത് ശവക്കോട്ടയിൽ കടന്ന് ,ശവം തോണ്ടി പുറത്തിട്ട് ഒരുകഷണം മുറിച്ചു തിന്നുന്നതാണ് ചടങ്ങ്.ഈ ചുടലമാടൻ ശിവന്റെ അവതാരമാണ്.തലയില്ലാത്തദൈവം.ഒരിക്കൽ നായാട്ടിന് തലേദിവസം അടക്കിയ പതിനെട്ടു വയസ്സുള്ള പേൺകുട്ടിയെ തോണ്ടിയെടുത്തു.സംഘർഷമായി അടിപിടി ..വ്വെട്ട്,,പേൺകുട്ടിയുടെ വീട്ടുകാർ കേസ്സുകൊടുത്തു.അന്നും ഇതേവാദമുണ്ടായി”വിശ്വാസമല്ലേ..എല്ലാം”.ഇന്ന് അതൊഴിവാക്കിയുള്ള ചടങ്ങുകളാണ്,ചുടലമാടന്റേത്.ജല്ലിക്കട് നിരോധിച്ചപ്പോൾ,റേഷൻ കാർഡ് തിരിച്ചുകൊടുത്താണ് തമിഴ് മക്കൾ പ്രതികരിച്ചത്.ഈ വർഷം 104-എണ്ണം തട്ടിപോയി.അടുത്ത വർഷം ഇതിൽ കൂടുതൽ ദർശന പുണ്യം തേടിവരും.അപ്പോഴും നാം പറയും.വിശ്വാം അതല്ലേ എല്ലാം.

അരുണ്‍/arun said...

ഒന്നാന്തരം പോസ്റ്റ്. ഇന്നത്തെ പരിഷ്കൃത സമൂഹത്തിന്റെ ശരിതെറ്റുകളല്ല വിശ്വാസികളെ നയികുന്നത്. വേദപുസ്തകങ്ങളെപ്പോലെത്തന്നെ അവരുടെ ആരാധനാരീതികളും അവിശ്വാസികള്‍ക്ക് ഓക്കാനം വരുത്തുന്നതായിരിക്കും.

വിശ്വാസങ്ങളുടെ പേരില്‍ ഇന്നും മൃഗബലി നിര്‍വിഘ്നം തുടര്‍ന്നുവരുന്നത് ഏത് നിയമത്തെ അനുസരിച്ചുകൊണ്ടാണ് ?

കഴിഞ്ഞ വെള്ളിയാഴ്ച എന്റെ നാട്ടിലുള്ള ഒരു കാവില്‍ ആയിരത്തഞ്ഞൂറു കരിങ്കാളികളാണ് കെട്ടിയാടിയത്. ആയിരത്തഞ്ഞൂറു കരിങ്കാളികള്‍ എന്നാല്‍ ആയിരത്തൂറു പൂവന്‍ കോഴികളെ പരസ്യമായി ബലികൊടുത്തു എന്നര്‍ഥം.

പോലീസുകാര്‍ ഇതൊന്നും കാണുന്നില്ല. ആരും പരാതിപ്പെടുന്നില്ല.

അരുണ്‍/arun said...

@ ബ്രൈറ്റ് ,

സമാനമായ ഒരു തമാശ പറയട്ടെ. ഒരിക്കല്‍ ഡോക്ടറെ കാണുന്നതിനായി ഒരാണ്‍കുട്ടിയെയും കൊണ്ട് ഒരു സ്ത്രീ വന്നു. കാര്യങ്ങള്‍ പറയുന്നതിനിടെ ഡോക്ടര്‍ക്ക് മനസ്സിലായി ആ കുട്ടി പ്രതിരോധകുത്തിവെപ്പുകളൊന്നും എടുത്തിട്ടില്ലെന്ന്.

എന്താണ് കുത്തിവെപ്പ് എടുക്കാത്തതെന്ന് ഡോക്ടര്‍ ചോദിച്ചപ്പോള്‍ ക്കുട്ടിക്ക് വേദനിക്കും എന്നായിരുന്നു അമ്മയുടെ മറുപടി.

ഡോക്ടറുടെ അടുത്ത ചോദ്യം :
കുട്ടിക്ക് സുന്നത്ത് ചെയ്തോ ?

ഉവ്വല്ലോ എന്ന് മറുപടി.

ഡോക്ടര്‍ :എന്തിനേ നടത്തിയത് ? ഒഴിവാക്കാമയിരുന്നില്ലേ ?
കുട്ടിക്ക് വേദനിക്കില്ലേ ?

ഡോക്ടറും ഒരു മുസ്ലീം പേരുകാരന്‍ ആയതിനാല്‍ അവിടെയൊരു വര്‍ഗീയലഹള ഉണ്ടായില്ലെന്ന് പറഞ്ഞാല്‍ മതിയല്ലോ !

kaalidaasan said...

>>>>>കുട്ടികൾ ശരംകുത്തിനു പോകുന്നുണ്ട്..
അതവരുടെ സ്വന്തം ഇഷ്ടപ്രകാരമാണെന്നാണു ഞാൻ മനസ്സിലാക്കിയിരിക്കുന്നത്..
നിർബന്ധിച്ചു ചെയ്യിപ്പിക്കുന്നതാണെന്നു നിങ്ങൾക്കു തെളിവുകൾ സ്ഥാപിച്ചെടുക്കാമെങ്കിൽ അവരുടെ മാതാപിതാക്കൾക്കെതിരെയും ഇത്തരം പരിപാടികൾ ആസൂത്രണം ചെയ്ത അധികൃതർക്കെതിരെയും പരാതിപ്പെടാവുന്നതാണു.. <<<<



ഹരീഷ്,

മതവിശ്വാസവും ആചാരങ്ങളും കുട്ടികള്‍ സ്വായത്തമാക്കുന്നത് മാതാപിതാക്കളെ പിന്തുടര്‍ന്നാണ്. ഒരു കുട്ടിയും സ്വന്തം ഇഷ്ടപ്രകാരം ഇതുപോലെയുള്ള ചടങ്ങിനു നിന്നുകൊടുക്കില്ല. മാതാപിതാക്കള്‍ എതിര്‍പ്പു പ്രകടിപ്പിച്ചാല്‍ ഇവരാരും ഈ സ്വയം പീഢനത്തെ സ്വീകരിക്കില്ല.

തെളിവുകള്‍ സ്ഥാപിച്ചെടുക്കലും മാതാപിതാക്കള്‍ക്കെതിരെയും അധികൃതര്‍ക്കെതിരെയും പരാതിപ്പെടാവുന്നതാണെന്നും പറയുന്നതിലാണിതിലെ ആഭാസത്തരം മുഴുവന്‍. ഇതൊന്നുമില്ലാതെ ഇത് അധികൃര്‍ക്ക് നിരുത്സാഹപ്പെടുത്തിക്കൂടെ?

മകരവിളക്ക് തട്ടിപ്പാണെന്നു നേരത്തേ പറഞ്ഞിരുന്നെങ്കില്‍ ശബരിമലയില്‍ മരിച്ചവര്‍ അയ്യപ്പനെയും തൊഴുത് സ്വന്തം വീടുകളിലേക്ക് തിരിച്ചു പോയി ഇപ്പോഴും ജീവനോടെ ഇരിക്കുമായിരുന്നു.

നിസ്സഹായന്‍ said...

@ നാട്ടുകാരന്‍
"ഇതില്‍ മറ്റുള്ളവര്‍ക്ക് യാതൊരു അസൌകര്യവും ഉണ്ടാകാതെയാണ് ഒരാളുടെ വിശ്വാസം സംരക്ഷിക്കാന്‍ കോടതി നടപടിയെടുത്തത്. അതാണ്‌ ഒരു പരിഷ്കൃത സമൂഹം ചെയ്യേണ്ടത് എന്നാണ് എന്റെ വിശ്വാസവും. അവര്‍ക്ക് വേണ്ടി മൊത്തം കുട്ടികളുടെ പരീക്ഷ മാറ്റി വെച്ചിരുന്നു എങ്കില്‍ നിന്ഗ്ഗലുറെ വാദത്തോടു യോജിക്കാംആയിരുന്നു. അതില്‍ മറ്റുള്ള കുട്ടികള്‍ വന്നപ്പോള്‍ തന്നെ ആ കുട്ടികളും സ്കൂളില്‍ വന്നു എന്നാല്‍ പരീക്ഷ താമസിച്ചാണ് എഴ്ത്തിയതെന്നു മാത്രം. അതായത് അവരുടെ വിശ്വാസം സംരക്ഷിക്കാനുള്ള കഷ്ടപ്പാട് ആ കുട്ടികള്‍ക്ക് മാത്രം. അതിനവസരം കൊടുത്തു എന്നത് എന്നത് അഭാസമല്ല ഒരു മതെതരസമൂഹത്ത്തിന്റെ മാന്യതയും ഉത്തരവാടിത്വവുമാണ്."

പക്ഷെ ഈ കുട്ടികള്‍ക്കുവേണ്ടി സര്‍ക്കാര്‍ രാത്രിയില്‍ പ്രത്യേകം സ്റ്റാഫിനെയും ലൈറ്റും മറ്റ് സജ്ജീകരണങ്ങളും ഒരുക്കുന്നതിന് പൊതുഖജനാവില്‍‍ നിന്നും പണം ചിലവഴിച്ചാണ് ചെലവേറിയ അവരുടെ അന്ധവിശ്വാസം സംരക്ഷിച്ചുകൊടുത്തിരിക്കുന്നത്. "അവരുടെ വിശ്വാസം സംരക്ഷിക്കാനുള്ള കഷ്ടപ്പാട് ആ കുട്ടികള്‍ക്ക് മാത്ര"മല്ല മറ്റുള്ളവര്‍ക്കു കൂടിയാണെന്നു സാരം. ഇതിന്റെ പണം അവര്‍ കൊടുക്കുന്നില്ലല്ലോ ? താങ്കള്‍ പറഞ്ഞപോലെയാണെങ്കില്‍ വിശ്വാസത്തിന്റെ അടിസ്ഥാനത്തില്‍ മരുന്നു കഴിക്കാതെ മരണം സംഭവിച്ചാല്‍ സര്‍ക്കാര്‍ എന്തിനു കേസെടുക്കണം ? വിശ്വാസത്തിന്റെ പേരിലുള്ള ആഭാസങ്ങള്‍ക്ക് പരിധികല്പിക്കാന്‍ പറ്റില്ലായെങ്കില്‍ സതിയും നരബലിയും മൃഗബലിയും നിരോധിക്കാന്‍ കഴിഞ്ഞതെങ്ങനെ ?

ഹരീഷ് തൊടുപുഴ said...

@ കാളിദാസൻ..!!

താങ്കളൂടെ മറുപടി വായിച്ചു..


ഒന്നു ചെയ്യൂ..
ഈ ബ്ലോഗിലോ മറ്റോ നമ്മളിങ്ങനെ അന്ന്യോന്യം തമ്മിൽ പറഞ്ഞതു കൊണ്ടെന്തു ഫലം...??


താങ്കൾക്ക് താല്പര്യമെങ്കിൽ ബഹു:കോടതിയിൽ ഒരു കേസ് ഫയൽ ചെയ്യൂ ഇതിനെതിരേ..
ഇതിനു നിരോധിക്കണം എന്നാവശ്യപ്പെട്ട്..
എന്താ ഉണ്ടാകുക എന്നു നോക്കാലോ..!!!!


പിന്നെ..
ഒന്നു കൂടി..
ഈ വരുന്ന മാർച്ച് 2 നു തൊടുപുഴ ശ്രീകൃഷ്ണസ്വാമി അമ്പലത്തിൽ നിന്നും..
കാഞ്ഞിരമറ്റം ശ്രീ മഹാദേവക്ഷേത്രം...
മുതലിയാർ മഠം ശ്രീ മഹാദേവക്ഷേത്രം എന്നിവടങ്ങളിലേയ്ക്ക് ആട്ടക്കാവടി ഘോഷയാത്രയോടനുബന്ധിച്ച് ശൂലം കുത്ത്..
കാവടി എന്നിവയെടുക്കുന്ന വിശ്വാസികൾ/ഭക്തന്മാർ ഉണ്ട്..
ഒന്നീ പരിപാടി നിരോധിക്കാനുള്ള ഏർപ്പാടുകൾ കൂടീ ചെയ്തു തരാമോ..


നന്ദിയോടേ..:)

പാരസിറ്റമോള്‍ said...

good post
thx

kaalidaasan said...

>>>>>>'പ്രാചീന അറബ്‌ ഗോത്രങ്ങളില്‍' പോലും "ഇന്നത്തെ ആധുനിക (മത) സംസ്കാര സമ്പന്നമായ (അപ്പൂട്ടന്‍ വിവരിക്കുന്ന) ആചാരങ്ങള്‍" ഉണ്ടായിരുന്നില്ല.<<<<<


അപ്പോള്‍ താഴെ കാണുന്ന ഈ ആചാരങ്ങളോ ബക്കറേ?

ഇതും, ഇതും "ഇന്നത്തെ സമ്പന്നമായ ഏത് ആധുനിക (മത) സംസ്കാര"ത്തിന്റെ ആചാരങ്ങളില്‍ ‍പെടും?

http://www.discoveringislam.org/shia_rituals.htm

http://www.djmick.co.uk/life/self-torture-by-shia-muslims-on-ashura/

kaalidaasan said...

ഹരീഷ്,

ഇത് ഒരനാചാരമാണെന്നോ, അത് നിറുത്തേണ്ടതാണെന്നോ താങ്കള്‍ക്കഭിപ്രായമില്ല.

അതു കൊണ്ട് ഇതേക്കുറിച്ച് നമ്മള്‍ തമ്മില്‍ തര്‍ക്കിച്ചതുകൊണ്ട് വിശേഷവുമില്ല.

M.A Bakar said...

കാളിദാസന്‍..

ഞാന്‍ എഴുതിയ രണ്ട്‌ കമണ്റ്റും താങ്കള്‍ വായിച്ചുമനസ്സിലാക്കിയിട്ടുണ്ടെന്ന്‌ ഞാന്‍ മനസ്സിലാക്കിയതില്‍ അപാകതയുണ്ടെന്ന്‌ മനസ്സിലാക്കുന്നത്‌ കൊണ്ട്‌ വീണ്ടും വായിക്കാന്‍ അഭ്യര്‍ഥിക്കുന്നു.

kaalidaasan said...

ബക്കര്‍,

ഞാന്‍ ആധുനിക ഇറക്കിലെ ആധുനിക അറബി മുസ്ലിങ്ങള്‍ നടത്തുന്ന അതി സമ്പന്നമായ ഒരാചാരത്തേപ്പറ്റി പറഞ്ഞതേ ഉള്ളു. ആ ആചാരം അലി മരിച്ച ഉടനെ തന്നെ ആരംഭിച്ചതാണെന്നും ഞാന്‍ മനസിലാക്കുന്നു. അതില്‍ നിന്നും ബക്കര്‍ക്കിഷ്ടമുള്ളത് മനസിലാക്കാം. ഞാന്‍ തര്‍ക്കത്തിനു വരുന്നില്ല.

പ്രചീന അറബി ഗോത്രത്തിലെ അറബികള്‍ മൊഹമ്മദിന്റെ കാലത്തു പോലും നഗ്നരായിട്ടാണ്, ഹജ്ജ് ചെയ്തിരുന്നതെന്നതും ഇസ്ലാമിക ചരിത്രത്തില്‍ രേഖപ്പെടുത്തപ്പെട്ട സത്യമാണ്. അതും സംസ്കാര സമ്പന്നമായ ആചാരമായിരുന്നു എന്നും നമുക്ക് കരുതാം. ഇതിലും ഞാന്‍ തര്‍ക്കത്തിനു വരുന്നില്ല.

firefly said...

അപ്പൂട്ടന്‍ കണ്ട അതേ കാഴ്ച അതേ സ്ഥലത്ത് വച്ച് ഞാനും കണ്ടു. അധിക നേരം നോക്കാന്‍ ശേഷി ഇല്ലാത്തത് കൊണ്ട് ഒന്നേ നോക്കിയുള്ളൂ. അത് മാത്രമല്ല അവരോ ശൂലം കുത്തി ബുദ്ധിമുട്ടി നടക്കുന്നു. യാത്രക്കാരെ എന്തിനിങ്ങനെ കഷ്ടപ്പെടുതുന്നു? വഴിയോരങ്ങള്‍ യാത്രക്കുല്ലതാനെന്ന കോടതി വിധി ഇവര്‍ക്ക് ബാധകം അല്ലെന്നുണ്ടോ

കാക്കര kaakkara said...

പതിവ്‌ പോലെ വളരെ ലളിതമായി “യുക്തിയിൽ” നിന്നുകൊണ്ടുള്ള അപ്പൂട്ടന്റെ പോസ്റ്റിനോട് യോജിക്കുന്നു...

ഇവിടെ ശൂലം കേറ്റുന്നു... മറ്റിടങ്ങളിൽ കുരിശ്ശിൽ തറക്കുന്നു...

നമ്മുടെ നാട്ടിൽ തന്നെ ഏളവൂർ തൂക്കം നടന്നിരിന്നു... അത്‌ നിരോധിച്ചിട്ട്‌ രണ്ട്‌ പതിറ്റാണ്ട് ആയി... അതിന്‌ ശേഷം ഏതെങ്ങിലും പ്രാകൃത വിശ്വാസം നിരോധിച്ചിട്ടുണ്ടോ? ഇല്ലായെന്നാണ്‌ എന്റെ അറിവ്‌... പോസ്റ്റിൽ മുതുകത്ത്‌ കൊളുത്തിട്ട് വലിക്കുന്ന ഈ ഏർപ്പാട്‌ നിരോധിക്കേണ്ട കാലം അതിക്രമിച്ചു... പിന്നാലെ ശൂലവും...

വിശ്വാസവും അന്ധവിശ്വാസവും വേർതിരിച്ചറിയാത്തതാണ്‌ പ്രശ്നം...

എന്നെ സംബദ്ധിച്ച്‌ ഒരാൾ പള്ളിയിൽ പോകുന്നതും അമ്പലത്തിൽ പോകുന്നതും മകരവിളക്ക്‌ കാണാൻ പോകുന്നതും വിശ്വാസമാണ്‌... രോഗം വന്നാൽ മരുന്നിനോടൊപ്പം പ്രാർത്ഥിച്ചോട്ടെ... ഇതൊന്നും നിരോധിക്കേണ്ട കാര്യമില്ല...

പക്ഷെ രോഗം വന്നാൽ ചികിൽസ നൽകാതേയോ ശൂലം കേറ്റി മുരുകനെ പ്രീണിപ്പിക്കുകയോ, അല്ലെങ്ങിൽ ബാധ ഒഴിയാൻ പീഡിപ്പിക്കുകയോ ചെയ്യുന്നത്‌ അന്ധവിശ്വസമാണ്‌... ഇത്‌ നിരോധിക്കണം...

നമ്മുടെ നാട്ടിൽ ലീഗൽ ഇമ്മ്യൂണിറ്റിയുള്ള ഒന്നാമത്തെ വിഭാഗമാണ്‌ മതങ്ങൾ... തർക്കമില്ല... രണ്ടാമത്തെ വിഭാഗമാണ്‌ രാഷ്ട്രീയപാർട്ടികൾ...

/shaji/ഷാജി/ :- said...

>>>>നവീകരണം എല്ലാ മതങ്ങളിലും കാലാകാലങ്ങളിൽ ഉണ്ടായിട്ടുണ്ട്. ഇപ്പോൾ അതൊന്നും നടക്കാത്തകാലമായിരിക്കുന്നു!
ഇമ്മാതിരി ആ‍ചാരങ്ങൾ പുനർവിചിന്തനം ചെയ്യപ്പെടേണ്ട കാലം അതിക്രമിച്ചു കഴിഞ്ഞു<<<

ജയന്‍ ഡോക്ടറുടെ ഈ കമെന്റിനോട് യോജിക്കുന്നു. മതത്തിലെ ഉൽ‌പ്പതിഷ്ണുക്കളെ ഇപ്പൊ കാണാനേ കിട്ടുന്നില്ല. മുഖ്യധാരാ മാദ്ധ്യമങ്ങളില്‍ ഇപ്പോള്‍ അപ്പൂട്ടന്‍ എഴുതിയ പോലെ ഒരു ലേഖനം കാണാന്‍ കഴിയുമോ. അവര്‍ അതിന്റെ ഭക്തിയെ വര്‍ണ്ണിച്ചു കൊണ്ടും അതിനവര്‍ എടുത്ത വ്രതത്തെ പറ്റിയും ആണ് എഴുതുക.

അപ്പൂട്ടന്‍ നല്ല ലേഖനം :)

cALviN::കാല്‍‌വിന്‍ said...

@ഹരീഷ്

സ്വന്തം ഇഷ്ടപ്രകാരമാണ് കുട്ടികൾ ശൂലം തറയ്ക്കുന്നതെങ്കിലും അത് നിയമവിരുദ്ധമാണ്. അത് തടയാത്ത രക്ഷിതാക്കൾക്ക് അതിന്റെ ഉത്തരവാദിത്വങ്ങളിൽ നിന്ന് ഒളിച്ചോടാൻ കഴിയുകയുമില്ല.

ഐക്യരാഷ്ട്രസഭ അംഗീകരിച്ച ചിൽഡ്രൻസ് റൈറ്റ് ആക്ടിൽ ഒപ്പു വെച്ച രാജ്യമാണ് ഇന്ത്യ. അത് കൊണ്ട് കുട്ടികൾ മുദ്രപ്പേപ്പറിൽ ഒപ്പിട്ട് തന്നാൽ പോലും ശൂലം തറയ്ക്കുന്നത് പോലുള്ള പ്രവർത്തികളിൽ അവർ ഏർപ്പെട്ടാൽ രക്ഷിതാക്കൽ ശിക്ഷാർഹരാണ്.

മണ്ടന്മാരാ said...

"ശൂലം കുത്തിയാല്‍ ഉണ്ടാവുന്നതാണ് ഭക്തി" എന്നും, അങ്ങനെ ചെയ്‌താല്‍ "എന്തോ" കിട്ടുമെന്നും (ഈ പറയണത് ആര്‍ക്കെങ്കിലും ഇതുവരെ കിട്ടീണ്ടോ ന്നു നിശ്ശല്യ - കിട്ടനത് എന്താ ന്നും ആര്‍ക്കും നിശ്ശല്യ - ന്നാലോ, നല്ലതെന്തെങ്കിലും കിട്ടീന്ടെങ്കി അത് ഇതോണ്ടാണേനീം, ചീത്തതെന്തെങ്കിലും സംഭാവിച്ച്ട്ടിന്ടെങ്കി അത് ഇത് ല്യാത്തോണ്ടാണേനീം... എന്താ നമ്മുടെ ആള്‍ക്കാര്ടെയോകെ ഒരു വിവരം, ല്ലെ? ഭീകരം തന്നെ....) വിചാരിക്കുന്ന അച്ഛനമ്മമാര്‍ക്ക് മക്കള്‍ക്ക്‌ ഭ്രാന്തു പിടിച്ചു കാണാന്‍ നല്ല ഇഷ്ടാനത്രേ... വേറെ ചെല അച്ഛനമ്മമാര്‍ക്ക് പിന്നെ പേടി കൊണ്ടാ ട്ടോ.. പത്തോ പതിനഞ്ചോ വയസ്സുള്ള കുട്ടികള്‍ മറ്റുള്ളവരുടെ മുന്നില്‍ വെച്ച് വാശി പിടിച്ചു കരഞ്ഞാല്‍ മാനക്കെടായില്യെ...? ബാക്കിളോര്‍ ഒന്നുല്യെങ്കി എന്ത് വിചാരിക്കും? ചെലപ്പോ അവരടെ വാശി അംഗീകരിച്ചു കൊടുതില്യാച്ചാ (പേരെടെ കമ്പോണ്ട് അല്ലെങ്കി നല്ല വെള്ളി കെട്ടിയ ചൂരല്‍ കൊണ്ട്) ന്നെ അടിച്ചാലോ...? ആ കാലാണേയ്... നാളെ നാലാല്‍ക്കാര് ന്റെ മോനെ കാണുമ്പോ "ദാ തന്തേ തല്ലി പോണൂ..." "ദാ തന്തേ തല്ലി പോണൂ..." ന്നു വിളിച്ചു പറയില്യെ? ആരാപ്പോ നിക്ക് നാളെ ദും പറഞ്ഞ് വഴി നടക്കാന്‍ പറ്റാണ്ടെയാവും... ഒരു അച്ഛന്റെ / അമ്മയുടെ വിഷമം നിങ്ങളെല്ലാരും മനസ്സിലാക്കണം... പിന്നെ നിങ്ങള്‍ എപ്പോളെങ്കിലും ശ്രദ്ധിച്ചിട്ടുണ്ടോ ന്നു അറീല്യ, ന്നാലും ഒരു രഹസ്യം പറയാം.. എപ്പോളും അച്ഛനമ്മമാരെക്കാളും ബുദ്ധീം വിവരോം വിവേകോം (വേണെങ്കി ഭക്തീം) കൂടുതലുള്ളത് ഇപ്പോളത്തെ മക്കള്‍ക്കാണ്. പിന്നെ അവര്‍ക്കാവുമ്പോ ഈ "ഭക്തി" കൂടുതലുള്ളത് കാരണം ഒട്ടും വേദനിക്കില്യേയ്... അതോണ്ടല്ലേ ഞങ്ങളൊന്നും ഇതങ്ങനെ എട്ത്ത് കുത്താതത്.... ഞങ്ങള്‍ക്കീ ഭക്തി കുറവായോണ്ട് വെദനിക്കുഒക്കെ ചെയ്യും... ങ്ങ്ഹാ... അറിയ്വോ ങ്ങക്ക്?

പിന്നെ ഞങ്ങള് അവരെ നോക്കി വളര്തഞ്ഞിട്ടാ ന്നു ബടെ ആരോക്യോ കുറ്റം പറയണത് കേട്ടൂലോ... അതൊക്കെ വെര്ത്യാ അപ്പൂട്ടാ... പറയണതൊക്കെ മേടിച്ചു കൊട്ക്കാരുണ്ട്.. പിടിക്കണ വാശിക്കൊക്കെ കൂട്ട് നിക്കാറുണ്ട്... പിന്നെന്തു കണ്ട്ട്ടാ ബരൊക്കെ ഈ പറയണേ ആവോ... ഇന്ന് വരെ ന്റെ മക്കള്ടെ ഒരാഗ്രഹത്തിനും നമ്മള് എതിര് പറഞ്ഞിട്ടില്യ... പിന്നെന്തു വളര്‍ത്തു ദോഷം ന്നാണാവോ ബുറ്റോളൊക്കെ ഈ പറയിനത്? നമ്മള് പറയണത് അവര് കേട്ടില്യെങ്കിലും അവര് പറയണത് നമ്മളല്ലേ കേള്‍ക്കണ്ടത്? അവര്‍ക്കല്ലേ വിവരോം വിദ്യാഭ്യാസോം വിവേകോം ഒക്കെ അയ്യോ യോ സോറി സോറി ട്ടൊ... ഭക്തി ഭക്തി.. (അത് പറഞ്ഞില്യാ.. അതാണല്ലോ ഏറ്റവും കൂടുതല്‍) ഇതൊക്കെ നമ്മളെക്കാളും കൂടുതലുള്ളത്... (എനിക്കങ്ങട് പറഞ്ഞിട്ടങ്ങ്ട് മാത്യാവ്നില്യ...)

മണ്ടന്മാരാ said...

Following.

വി ബി എന്‍ said...

വിശ്വാസം, അതല്ലേ എല്ലാം..

ആളുകള്‍ ഈ വിശ്വാസത്തില്‍ പോകുന്നിടത്തോളം ഇവിടെ ഇങ്ങനെയൊക്കെ സംഭവിച്ചുകൊണ്ടേയിരിക്കും.

രാഷ്ട്രീയ പാര്‍ടികള്‍ക്കെതിരെയോ നേതാക്കള്‍ക്കെതിരെയോ ഒക്കെ പ്രതികരിക്കാം. പക്ഷേ മതത്തിനെതിരെ, മത സംഘടനകള്ക്കെതിരെ പ്രതികരിക്കുമ്പോള്‍ എത്രത്തോളം സൂക്ഷിക്കണം എന്നതിന് നിരവധി ഉദാഹരണങ്ങള്‍ നമ്മള്‍ക്ക് മുന്നിലുണ്ട്.

ആ ഒരു പേടിയാണ് ഇവിടെ ഇത്തരം വിശ്വാസങ്ങള്‍ ഇപ്പോളും നിലനിലക്കാനുള്ള കാരണം.

കാലിക പ്രസക്തിയുള്ള പോസ്റ്റ്‌..

ഇതേ കമന്റ് സജിയുടെ 'ഇതോ വിശാസം' എന്ന പോസ്റ്റിലും ഇട്ടിരുന്നു. രണ്ടിടത്തും പോസ്റ്റ്‌ അന്ധവിശ്വാസങ്ങള്‍ക്കെതിരെ ആയതുകൊണ്ടാണ്.

വി ബി എന്‍ said...

@ഹരീഷ് തൊടുപുഴ

[[[[[വിശ്വാസികൾക്ക് അവരുടെ വിശ്വാസങ്ങളിൽ അടിയുറച്ചു വിശ്വസിക്കാനും..
അവിശ്വാസികൾക്ക് അവരുടെ അവിശ്വാസങ്ങളിൽ നിലയുറപ്പിക്കുവാനും..
നമ്മുടെ ഭരണഘടന അനുവദിച്ചു തരുന്നുണ്ട്..]]]]

അതെ ഭരണഘടനയനുസരിച്ചു തന്നെ 'അടിയുറച്ച' പല വിശ്വാസങ്ങളും നിരോധിച്ചിട്ടും ഉണ്ട്. അത് പോലെ 'വേണമെങ്കില്‍ ' ഇതും......

ഹരീഷ് തൊടുപുഴ said...

@ വി ബി എൻ..!

അതെ ഭരണഘടനയനുസരിച്ചു തന്നെ 'അടിയുറച്ച' പല വിശ്വാസങ്ങളും നിരോധിച്ചിട്ടും ഉണ്ട്. അത് പോലെ 'വേണമെങ്കില്‍ ' ഇതും......


അതിനുള്ള ആമ്പിയർ ഉണ്ടാകുവാൻ ഭരണാധികൾക്ക് കഴിയട്ടെ..
എന്ന്..
ആശംസിക്കുന്നു..!!

ഇരുപത്തിഒന്നാം തീയതിയിലെ പത്രങ്ങൾ ഒന്നു കൂടി എടുത്ത് വായിച്ചോളൂ..
മകരവിളക്കിനെ സംബന്ധിച്ച് സ.വി.എസ് ന്റെ ഒരു പ്രസ്താവനയുണ്ട്..!!
വിശ്വാസം..!!
ഓർക്കുക ലോട്ടെറി കേസിനെതിരേ വരെ ശക്തമായ തീരുമാനങ്ങൾ എടുത്തയാളാനദ്ദേഹം..!!

ഹരീഷ് തൊടുപുഴ said...

@ വി ബി എൻ..!

അതെ ഭരണഘടനയനുസരിച്ചു തന്നെ 'അടിയുറച്ച' പല വിശ്വാസങ്ങളും നിരോധിച്ചിട്ടും ഉണ്ട്. അത് പോലെ 'വേണമെങ്കില്‍ ' ഇതും......


അതിനുള്ള ആമ്പിയർ ഉണ്ടാകുവാൻ ഭരണാധികൾക്ക് കഴിയട്ടെ..
എന്ന്..
ആശംസിക്കുന്നു..!!

ഇരുപത്തിഒന്നാം തീയതിയിലെ പത്രങ്ങൾ ഒന്നു കൂടി എടുത്ത് വായിച്ചോളൂ..
മകരവിളക്കിനെ സംബന്ധിച്ച് സ.വി.എസ് ന്റെ ഒരു പ്രസ്താവനയുണ്ട്..!!
വിശ്വാസം..!!
ഓർക്കുക ലോട്ടെറി കേസിനെതിരേ വരെ ശക്തമായ തീരുമാനങ്ങൾ എടുത്തയാളാനദ്ദേഹം..!!

ഹരീഷ് തൊടുപുഴ said...

@ വി ബി എൻ..!

അതെ ഭരണഘടനയനുസരിച്ചു തന്നെ 'അടിയുറച്ച' പല വിശ്വാസങ്ങളും നിരോധിച്ചിട്ടും ഉണ്ട്. അത് പോലെ 'വേണമെങ്കില്‍ ' ഇതും......


അതിനുള്ള ആമ്പിയർ ഉണ്ടാകുവാൻ ഭരണാധികൾക്ക് കഴിയട്ടെ..
എന്ന്..
ആശംസിക്കുന്നു..!!

ഇരുപത്തിഒന്നാം തീയതിയിലെ പത്രങ്ങൾ ഒന്നു കൂടി എടുത്ത് വായിച്ചോളൂ..
മകരവിളക്കിനെ സംബന്ധിച്ച് സ.വി.എസ് ന്റെ ഒരു പ്രസ്താവനയുണ്ട്..!!
വിശ്വാസം..!!
ഓർക്കുക ലോട്ടെറി കേസിനെതിരേ വരെ ശക്തമായ തീരുമാനങ്ങൾ എടുത്തയാളാനദ്ദേഹം..!!

cALviN::കാല്‍‌വിന്‍ said...

ഹരീഷിന്റെ ലാസ്റ്റ് കമന്റോടെ

അപ്പൂട്ടന്റെ “നിയമങ്ങളൊന്നും ബാധകമല്ലാത്തവയ്ക്കായി... “ എന്ന തലവാചകം സാർത്ഥകമായി.

ലോട്ടറി ക്രമക്കേട് നിയമത്തിനു കീഴിൽ വരും. വിശ്വാസവുമായി ബന്ധപ്പെട്ട നിയമലംഘനങ്ങൾ വരൂല...

അത്രയേ അപ്പൂട്ടനും ഈ പോസ്റ്റിൽ പറഞ്ഞുള്ളൂ.

- സാഗര്‍ : Sagar - said...

എന്നാലും എന്‍റെ പൊന്നു പുള്ളേ....

"കുട്ടികളിൽ അത് മുതിർന്നവർ കുത്തിവെക്കപ്പെടുന്നതാണൊ എന്നതിന് വ്യക്തമായ തെളിവുകൾ ഉണ്ടാക്കപ്പെടേണ്ടിയിരിക്കുന്നു."

ഹരീഷ് തൊടുപുഴ said...

എന്നാലും എന്‍റെ പൊന്നു പുള്ളേ....

"കുട്ടികളിൽ അത് മുതിർന്നവർ കുത്തിവെക്കപ്പെടുന്നതാണൊ എന്നതിന് വ്യക്തമായ തെളിവുകൾ ഉണ്ടാക്കപ്പെടേണ്ടിയിരിക്കുന്നു."



അതു നീ വരമ്പത്തു നിന്നു മാത്രം കളി കണ്ട് വിശകലനം ചെയ്യുന്നതിന്റെയാ മക്കളേ..

വി ബി എന്‍ said...

@ ഹരീഷ് തൊടുപുഴ

[[[[അതിനുള്ള ആമ്പിയർ ഉണ്ടാകുവാൻ ഭരണാധികൾക്ക് കഴിയട്ടെ..
എന്ന്..
ആശംസിക്കുന്നു..!!
.....ഓർക്കുക ലോട്ടെറി കേസിനെതിരേ വരെ ശക്തമായ തീരുമാനങ്ങൾ എടുത്തയാളാനദ്ദേഹം..!!]]]]

'മദ'വിഷയം ആകുമ്പോഴാണ് ഈ ആമ്പിയര്‍ കുറഞ്ഞു പോകുന്നത്. എന്താ ചെയ്യുക.

യാത്രികന്‍ said...

ആര്‍ക്കും പ്രത്യക്ഷത്തില്‍ ദോഷം ഇല്ലാത്ത വിശ്വാസങ്ങള്‍ അന്ധവിശ്വാസം അല്ല എന്ന ഒരു ധാരണ പലര്‍ക്കും ഉണ്ട്. എനിക്ക് വേണ്ടി മറ്റാരെങ്കിലും പ്രാര്‍ത്ഥിച്ചാല്‍ എനിക്ക് രോഗ ശാന്തി കിട്ടും എന്നുള്ളത് വിശ്വാസം ആണോ അതോ അന്ധ വിശ്വാസം ആണോ? തികച്ചും നിര്‍ദോഷകരം ആയ ഈ "വിശ്വാസം" വെറും ഒരു അന്ധവിശ്വാസം ആണ്.

- സാഗര്‍ : Sagar - said...

ഓഹോ... അതായിരുന്നല്ലേ തൊടുപുഴേ.......
കളത്തിലിറങ്ങി വിശകലനം ചെയ്തപ്പോള്‍ കിട്ടിയതാണോ താങ്കളുടെ ഈ അഭിപ്രായം ?

അതിഭയങ്കര വിശകലനമായി പോയി...

nikhimenon said...

http://nikhimenon.blogspot.com/2011/02/rape-and-its-aftermath.html

മൌഗ്ലി said...
This comment has been removed by the author.
മൌഗ്ലി said...

http://www.youtube.com/watch?v=EqDgrV80gp4

ഇത് കൂടി കണ്ടു നോക്ക്

പഞ്ചാരക്കുട്ടന്‍ said...

ആദ്യമായിട്ടാ ഇവിടെ നിയമം അല്ലെങ്ങില്‍ തന്നെ എന്നാ ചെയ്യാനാ

lymi..... said...

good ...mr. Appoottan

ഇ.എ.സജിം തട്ടത്തുമല said...

വിശ്വാസം അതല്ലേ എല്ലാം! ശബരിമലയിൽ മകരജ്യോതി താനേ കത്തുന്നതാണെന്ന് ഔദ്യൊഗികമായി പ്രഖ്യാപിച്ചത് ഈ വർഷം മാത്രമല്ലേ അപ്പൂട്ടൻ! ഭൂമി ഉരുണ്ടതാനെന്ന് ക്രിസ്തീയ സഭ സമ്മതിച്ചത് നൂറ്റാണ്ടുകൾക്കു ശേഷവും. ഖുർ-ആൻ മറ്റു ഭാഷകളിൽ തർജ്ജമ ചെയ്തുകൂടെന്ന നിയമവും നൂറ്റാണ്ടുകൾക്ക് ശേഷമല്ലേ തിരുത്തിക്കുറിച്ചത്? അങ്ങനെ എന്തെല്ലാം കാര്യങ്ങൾ! ഇനി ഈ ശൂലം കുത്തലും തൂങ്ങിയാടലുമെല്ലാം നിർത്താനും ചിലപ്പോൾ വർഷങ്ങൾതന്നെ എടുക്കും. ദൈവത്തിനു വേണ്ടി മക്കളെ കുരുതി കൊടുക്കാനും മടിക്കില്ല നമ്മുടെ ഭക്തരക്ഷിതാക്കൾ. വിശ്വാസത്തെയല്ല, വിശ്വാസത്തിന്റെ പേരിലുള്ള ഇത്തരം പര പീഡനവും ആത്മപീഡനവും കുറ്റകൃത്യങ്ങളുടെ പട്ടികയിൽ പെടുത്തേണ്ടതാണ്. പക്ഷെ നടക്കില്ല. കാരണം വിശ്വാസം അതല്ലേ എല്ലാം എന്നതുതന്നെയാണ്! സർക്കാരിനും അങ്ങനെ തന്നെ. ജനങ്ങൾക്കും അങ്ങനെ തന്നെ. അതുകൊണ്ട് നമുക്കും അങ്ങനെ തന്നെന്നങ്ങട്ട് കരുതുക. അത്രതന്നെ!പക്ഷെ അങ്ങനെ കരുതാൻ സാധിക്കുന്നില്ലല്ലോ!

sh@do/F/luv said...

അപ്പൂട്ടന്‍,
അല്പം താമസിച്ചെത്തിയതാണെങ്കിലും പറയട്ടെ. പോസ്റ്റ് നന്നായി.

ഒരു കാര്യം സൂചിപ്പിക്കട്ടെ (കമന്റുകളെഴുതിയവര്‍ ശ്രദ്ധിക്കാന്‍)
മാന്യമാലാത്ത ഭാഷ ഉപയോഗിക്കുന്നതും വസ്തുതകളെ വളച്ചൊടിക്കുന്നതും എന്തിനാണെന്ന് മനസ്സിലാവുന്നില്ല.നമുക്ക് നമ്മുടെ നിലപാടുകളില്‍ യഥാര്‍ത്ഥത്തി വിശ്വാസമില്ലെന്നല്ലേ ഇതു കാണിക്കുന്നത്..?

ഉദാഹരണം
“നീയൊക്കെ വല്യ പുളുത്തിയ മോന്മാരല്ലേ..” എന്ന് ഹരീഷ് തൊടുപുഴ.
ഈ ഭാഷ മതവിശ്വാസത്തിന്റേതാണെങ്കില്‍ ഞാന്‍ മതത്തെ എനിക്കു വേണ്ടെന്നു വെച്ചിരിക്കുന്നു.

Pranavam Ravikumar a.k.a. Kochuravi said...

ഞാന്‍ ഒത്തിരി ലേയ്റ്റ് ആയോ...? പോസ്റ്റ്‌ നനായി

ravi said...
This comment has been removed by the author.
ravi said...

വളരെ നന്നായിട്ടുണ്ട്. രവിചന്ദ്രന്റെ പോസ്റ്റില്‍ നിന്നാണ് താങ്കളില്‍ എത്തിയത്. എന്നെയും ഒന്ന് ശ്രദ്ധിക്കണേ..... nireeswaravadam.blogspot.com

ravi said...

വളരെ നന്നായിട്ടുണ്ട്. രവിചന്ദ്രന്റെ പോസ്റ്റില്‍ നിന്നാണ് താങ്കളില്‍ എത്തിയത്. എന്നെയും ഒന്ന് ശ്രദ്ധിക്കണേ..... nireeswaravadam.blogspot.com